खिमराज चालिसे, रामप्रसाद पौडेल ।
नयाँदिल्ली । मूल प्रवाह अखिल भारत नेपाली एकता समाजले भारतको चन्डिगढ, अम्बाला, हिसार, हैदरावादलगायत भारतभरि प्रगतिशील तिजी कार्यक्रम सम्पन्न भएको छ ।
सेप्टेम्बर ६, २०२४ तदनुसार २०८१ भदौ २१ गते शुक्रबार सो कार्यक्रम सम्पन्न भएका हुन् ।
हैदरावाद
हैदरावादमा मूल प्रवाहको मध्यदक्षिण क्षेत्रीय महिला विभागको आयोजनामा तिजी कार्यक्रम सम्पन्न भएको छ ।
केन्द्रीय सदस्य फूलबिना पौडेलको प्रमुख आतिथ्य र महासचिव प्रेम पौडेलको विशिष्ट आतिथ्यमा सो कार्यक्रम सम्पन्न भएको हो ।
कार्यक्रममा केन्द्रीय सदस्य तथा क्षेत्रीय अध्यक्ष रामप्रसाद पौडेल, केन्द्रीय सदस्य कृष्णबहादुर थापा, भूतपूर्व केन्द्रीय सदस्य खिमबहादुर विक, केन्द्रीय प्रतिनिधि रतनसिंह विक, क्षेत्रीय सचिव तिलक राना, क्षेत्रीय कोषाध्यक्ष घनश्याम शर्मा, क्षेत्रीय सदस्य राजु दुलाल, गङ्गा कडायत, मध्य नगर समितिका उपाध्यक्ष थानबहादुर क्षेत्री, उत्तर नगर समितिका अध्यक्ष मोहनलाल शर्मा, सदस्य सूर्यबहादुर थापा, दक्षिण नगर समितिका अध्यक्ष वीरबहादुर विक, रक्तिम केन्द्रीय विभागकी माया थापा, क्षेत्रीय संयोजक कृष्णकुमारी विक, मध्य नगर महिला विभागकी गुमा राना र उत्तर नगर महिला विभागी बिजुला शर्माको पनि आतिथ्य रहेको थियो ।
विभागकी संयोजक पुष्पा पौडेलको अध्यक्षता, सीता थापाको सञ्चालन र सविता पौडेलको स्वागत मन्तव्यसँगै उक्त कार्यक्रम सम्पन्न भएको थियो ।
कार्यक्रममा विभिन्न एरिया समिति, मध्य नगर विभाग, उत्तर नगर विभाग, क्षेत्रीय विभाग र रक्तिम विभागद्वारा प्रगतिशील गित र नृत्य प्रस्तुत गरिएको थियो ।
चन्डिगढ
चन्डिगढमा मूल पूवाहको कार्यक्रम केन्द्रीय सचिवालय सदस्य धनवीर पुनमगरको प्रमुख आतिथ्यमा सम्पन्न भएको छ । उहाँले मैनबत्ती बालेर कार्यक्रमको उद्घाटन गर्नुभएको थियो ।
कार्यक्रममा मूल प्रवाहका केन्द्रीय सदस्य तिलक पौडेल, क्षेत्रीय सदस्य जुना चालिसे र तेजबहादुर रोका, महिला क्षेत्रीय सदस्य सीमा खडका, नगर समितिका अध्यक्ष मानबहादुर केसी, विद्यार्थी सङ्घका केन्द्रीय सदस्य नारायण आचार्य, नगर सदस्य धमन थापा, रक्तिम विभागका लीला विक, समता विभागका दुर्गा विकलगायतको आतिथ्य रहेको थियो ।
जीवा गुरुङको अध्यक्षता तथा जबुना खनालको सञ्चालनमा अघि बढेको सो कार्यक्रममा लक्ष्मी अधिकारी र कलाकारले स्वागत गर्नुभएको थियो ।
अम्बाला
अम्बालाको प्रगतिशील तिजी कार्यक्रम केन्द्रीय सदस्य खिमराज चालिसेले मैनबत्ती बालेर उद्घाटन गरेसँगै सम्पन्न भएको छ ।
समारोहलाई क्षेत्रीय सदस्य लक्ष्मण अर्याल र शोभा रसाइली, नगर अध्यक्ष कमल सुवेदी, नगर सदस्य गङ्गाविसन ढकाललगायतले सम्बोधन गर्नुभएको थियो ।
कार्यक्रम प्रेम रसाइलीको सञ्चालन, अन्जु सुवेदीको अध्यक्षतामा र मैना ढकालको स्वागतसँगै सम्पन्न भएको थियो ।
हिसार
हिसारमा मूल प्रवाहका केन्द्रीय सदस्य कृष्ण जिसीको उद्घाटनसँगै तिजी कार्यक्रम सम्पन्न भएको छ ।
समारोहमा मूल प्रवाहका केन्द्रीय सदस्य तारा सोमरे, क्षेत्रीय सदस्यहरू बाबुराम पोख्रेल, लालबहादुर चुदाली, सुरेश क्षेत्री, ओमप्रकाश तिवारी, क्षेत्रीय महिला विभागकी चन्द्रा सोमरे, नगर समितिका नन्दबहादुर लम्तरी, रक्तिम क्षेत्रीय विभागका योगेन्द्र दर्लामी, जनजाति विभागका मनबहादुर घर्तीमगर, रक्तिम नगर विभागकी दिपा लम्तरी, फतेहाबाद नगर समितिका अध्यक्ष कृष्णप्रसाद खनाल र महिला संयोजक मोनिका जिसीलगायतको आतिथ्य रहेको थियो ।
कमला बगालेको सञ्चालन तथा सेती रानाको अध्यक्षतामा अघि बढेको उक्त कार्यक्रममा सीता पोख्रेलले स्वागत गर्नुभएको थियो ।
