अशोक खनाल, भालुवाङ (दाङ) ।
दाङमा अखिल नेपाल महिला सङ्घले प्रगतिशील तिज गीत तथा प्रशिक्षण कार्यक्रम सम्पन्न भएको छ ।
२०८१ भदौ १३ गते बिहीबार राप्ती गाउँपालिका समितिको आयोजनामा सो कार्यक्रम सम्पन्न भएको हो ।
कार्यक्रमको उद्घाटन प्रमुख अतिथि महिला सङ्घ दाङकी उपाध्यक्ष कमला बेल्बासेले गर्नुभएको थियो ।
अखिल नेपाल किसान महासङ्घ (अप्फा) का केन्द्रीय कोषाध्यक्ष प्रेमनारायण आचार्यको विशिष्ट आतिथ्यमा अघि बढेको उक्त कार्यक्रममा अखिल नेपाल बुद्धिजीवी सङ्घका केन्द्रीय सदस्य केशवराज खनाल, अखिल नेपाल जनजाति सम्मेलनका केन्द्रीय उपाध्यक्ष रमेशमान गुरुङ, रक्तिम सांस्कृतिक अभियान दाङका कोषाध्यक्ष विक्रम पाण्डे, अखिल नेपाल युवक सङ्घ दाङका चेतनाथ बस्नेत, बयोवृद्ध सदस्य मुमा आचार्य, राप्ती गाउँपालिका वडा नं. ४ का सदस्य तथा राष्ट्रिय जनमोर्चा दाङका जिल्ला सदस्य समिति चौधरी, जातीय समता समाज लुम्बिनी प्रदेश समितिका सदस्य शान्ति सुनारलगायतले प्रशिक्षणात्मक मन्तव्य दिनुभएको थियो ।
राप्ती–२ स्थित धार्मिक तथा पर्यटकीय स्थल हर्सेडाडामा सम्पन्न उक्त कार्यक्रम महिला सङ्घ राप्ती गाउँपालिका समितिका अध्यक्ष कृष्णा पोख्रेलको अध्यक्षतामा अघि बढेको थियो ।
कार्यक्रममा महिला सङ्घ राप्तीकी सचिव एवम राप्ती गाउँपालिका कार्यसमितिका सदस्य चम्फा भुसालको सञ्चालन र उपाध्यक्ष हस्ता आचार्यको स्वागत मन्तब्य रहेको थियो ।
कार्यक्रममा गाउँपालिकाका विभिन्न वडाबाट रङ्गीविरङ्गी नेपाली पहिरनमा ठुलो सङ्ख्यामा दिदीबहिनीको उपस्थिति रहेको थियो । सो अवसरमा गीत, नृत्य, मादल बासुरीलगायतका बाद्यवादनले गुञ्जायमान भएको थियो ।
