नवराज पौडेल, कपिलवस्तु ।
कपिलवस्तुमा अहिलेसम्म कोरोना संक्रमित भेटिएका छैनन् । कोरोना शंकास्पदको पीसीआर परीक्षण गर्ने क्रममा सबैको नेगेटिभ आएको हो ।
बुधबार थप ७५ जनाको स्बाव संकलन गरी पीसीआर परीक्षणका लागि काठमाडौं पठाइएको छ । शिवराज नगरपालिकाबाट ९, मायादेबीबाट ६५, र तौलिहवाबाट एक जनाको स्वाब संकलन गरी टेस्टका लागि जन स्वास्थय प्रयोगशाला टेकु पठाइएको हो ।
यसअघि मंगलवार महाराजगंज, शिवराज र तौलिहवाबाट ५४ जनाका स्वाब संकलन गरी पठाइएको थियो । एक दुई दिन भित्र सबैको रिपोर्ट आउने जिल्ला स्वास्थ्य कार्यालयका प्रमुख योगेन्द्र भगतले बताउनु भयो । भारतका बिभिन्न शहरबाट नेपाल फर्किएका उनीहरुलाई १४ दिन क्वारेन्टिनमा राखिएको छ ।
यस अघि जिल्लामा ३४ जनाको स्वाब संकलन गरी पठाईएकोमा सबैको रिपोर्ट नेगेटिभ आएको थियो । कपिलवस्तु अझै सम्म कोरोनाबाट सुरक्षित रहेको पाईएको छ । कपिलवस्तुमा एक हजार १०२ जनाको यापिड टेस्ट भएको र सबैको रिपार्ट नेगेटिभ रहेको भगतले बताउनुभयो । बुधवार ५ पालिकामा कुल ३७ टेस्ट भएका हुन् ।
