दिनेश रैदास, दाङ ।
जातीय समता समाज राप्ती गाउँपालिकाको भेलाले हरिप्रसाद सुनारको अध्यक्ष रहनुभएको ११ सदस्य पालिकास्तरीय समिति गठन गरेको छ ।
समाजका लुम्बिनी प्रदेश सदस्य शान्ता सुनारको प्रमुख आतिथ्यमा २०८१ भदौ ३ गते सोमबार सम्पन्न भेलाले सो समिति गठन गर्नुभएको हो ।
समितिको उपाध्यक्षमा शङ्कर दमाई, सचिवमा अनुष्का विक, सहसचिवमा गोकुल परियार र कोषाध्यक्षमा कल्पना सुनार चयन हुनुभएको छ ।
त्यसैगरी, सदस्यहरूमा सङ्गीता नेपाली, चन्द्र विक, रेणु परियार, सुमित्रा विक, गीता सुनार र लक्ष्मी कामी चयन हुनुभएको छ भने सल्लाहकारमा शान्ति सुनार, कविराम विक र शान्ति विक रहनुभएको छ ।
ज्येष्ठ सदस्य कविराम विकको अध्यक्षतामा अघि बढेको उक्त भेलामा विशिष्ट अतिथि अखिल नेपाल बुद्धिजीवी सङ्घका केन्द्रीय सदस्य केशवराज खनाल रहनुभएको थियो ।
भेलालाई अखिल नेपाल जनजाति सम्मेलनका केन्द्रीय उपाध्यक्ष रमेशमान गुरुङ, राष्ट्रिय जनमोर्चा राप्तीका कार्यवाहक अध्यक्ष बाबुराम थापा, अखिल नेपाल किसान महासङ्घ (अप्फा) का जिल्ला सदस्य विष्णु आचार्य, राजमो सदस्य एवम् राप्ती गाउँपालिका कार्यकारी सदस्य चम्पा भुसाल, अखिल नेपाल शिक्षक सङ्घका जिल्ला सचिव रामकृष्ण पौडेल, नेपाल शिक्षक सङ्घ राप्ती गाउँपालिका समितिका उपाध्यक्ष माधवप्रसाद शर्मा, अप्फाका जिल्ला उपाध्यक्ष माधवप्रसाद आचार्य, समता समाजका जिल्ला सदस्य शङ्कर दमाई, राजमो राप्तीका सदस्य ताराप्रसाद भट्टराई, राजमो राप्ती वडा नं. १ का सल्लाहकार ऋषिराम बस्नेत, अखिल (छैठौं) की लक्ष्मी सुनार, ज्येष्ठ सदस्य कृपासिंह पुन, विनोद न्यौपाने र सिमे दमाईलगायतले शुभकामना दिनुभएको थियो।
भेलाको सञ्चालन होमप्रसाद आचार्यले र स्वागत शङ्कर दमाईले गर्नुभएको थियो ।
