काठमाडौँ । प्रशासक एवम् व्यवस्थापक हेमबहादुर मल्लको स्मृतिमा स्थापित “हेमबहादुर मल्ल सम्मान–२०७९” कूटनीतिज्ञ डा. भेषबहादुर थापालाई प्रदान गरिएको छ ।
नेपाल जनप्रशासन सङ्घद्वारा २०८१ साउन २३ गते आयोजित समारोहमा राष्ट्रपति रामचन्द्र पौडेलले सो सम्मान प्रदान गर्नुभएको हो ।
सो सम्मान रु दुई लाख राशिको छ । सङ्घले र साल्ट ट्रेडिङ कर्पोरेसनको सौजन्यमा सो संस्थाका अध्यक्ष हेमबहादुर मल्लको स्मृतिमा २०४७ सालमा उक्त सम्मान स्थापना गरेको हो ।
पाँच दशकसम्म निरन्तर सार्वजनिक जीवनका आर्थिक, प्रशासनिक, प्राज्ञिक र कूटनीतिक क्षेत्रमा नेतृत्वदायी भूमिका निर्वाह गर्न पुर्याउनुभएको योगदान स्वरूप डा थापालाई सो सम्मान प्रदान गरिएको सङ्घका अध्यक्ष मधुरमण आचार्यले जानकारी दिनुभयो ।
यसअघि सो सम्मानबाट केदारभक्त माथेमा, चाँदनी जोशी, डा. भगवान् कोइराला, डा. विमल कोइराला, महावीर पुन, अम्बिका श्रेष्ठ, भोजराज पोखरेल, दमननाथ ढुङ्गाना, डा. सुरेशराज शर्मा, खिलराज रेग्मी, उमेश मैनाली, दामोदर गौतम, डा. देवेन्द्रराज पाण्डे, कुलमान घिसिङ, डा. सन्दुक रुइत, डा. गौरीशङ्कर लाल दास, सूर्यनाथ उपाध्याय, गोरक्षबहादुर न्हुच्छे प्रधान र भानु आचार्य सम्मानित भइसक्नुभएको छ ।
