काठमाडौँ । बङ्गलादेशी प्रधानमन्त्री शेख हसिना आफ्नो निवास छोडेर भागेकी छन् ।

बङ्गलादेशमा आरक्षण विरोधी आन्दोलन चर्किएपछि प्रधानमन्त्री हसिना निवासबाट भागेकी हुन् ।

हजारौँ प्रदर्शनकारी प्रधानमन्त्री निवासमा प्रवेश गरेका छन् । प्रधानमन्त्री ढाका दरबार छाडेर सुरक्षित स्थानमा सरेको बीबीसीले जनाएको छ ।

केही सञ्चारमाध्यमले प्रधानमन्त्री हसिना र उनकी बहिनी रेहानाले देश छाडेर सैन्य हेलिकप्टरबाट भारत पुगेको दाबी गरिरहेका छन् ।

बङ्गलादेशी पत्रिका प्रथम आलोका अनुसार धेरै ठाउँमा प्रदर्शनकारी र प्रहरीबिच झड्प भएका छन् । झडपमा छ जनाभन्दा बढीको मृत्यु भएको छ ।

आन्दोलनकारीले टङ्गाइल र ढाकाका महत्त्वपूर्ण राजमार्ग कब्जा गरेका छन् । करिब ४ लाख जनता हसिना सरकार विरुद्ध सडकमा उत्रिएको समाचारमा जनाइएको छ ।