काठमाडौँ । अन्तर्राष्ट्रिय नेपाली एकता समाजका पूर्व महासचिव राजेन्द्र श्रेष्ठ पितृशोकमा पर्नुभएको छ ।

९५ वर्षीय पिता रुद्रबहादुर श्रेष्ठको २०८१ साउन १८ गते शुक्रबार काठमाडौँमा निधन भएपछि उहाँ पितृशोकमा पर्नुभएको हो ।

१९८७ साउनमा जन्मनुभएका स्मृतिशेष श्रेष्ठ केही दिनअघि वसुन्धरास्थित आफ्नै घरकै भर्‍याङबाट लड्नुभएको थियो ।

त्यसपछि केही हप्ता त्रिवि शिक्षण अस्पताल (टिचिङ) मा उपचार गराएपछि उहाँ घर फर्कनुभएको थियो । शुक्रबार साँझ ४ बजे उहाँको देहान्त भएको हो ।

श्रेष्ठ परिवारका अनुसार उहाँको दाहसंस्कार भोलि शनिबार आर्यघाटमा गरिने भएको छ ।

पूर्व महासचिव श्रेष्ठ पाँच भाइ र एक दिदीसहितको परिवारमा हुनुहुन्छ । उहाँकी आमाको डेढ वर्षपहिले नै निधन भइसकेको छ भने जेठा दाजुको पनि केही समयपहिले निधन भइसकेको छ ।