काठमाडौं । मुग्लिन–नारायणघाट सडकखण्ड अन्तर्गत सिमलतालस्थित त्रिशूली नदीमा हराइरहेका २ वटा बसमा ६५ जना यात्रु रहेको खुलेको छ ।
जिल्ला प्रशासन कार्यालय चितवनले सोमबार साँझ प्रेस विज्ञप्ति प्रकाशित गरी दुवै बसका ६५ जना यात्रुको विवरण सार्वजनिक गरेको छ । जसमध्ये तीन जना सकुशल छन् ।
प्रशासन कार्यालयको विज्ञप्ति अनुसार वीरगञ्जबाट काठमाडौं आउँदै गरेको बाप्र०३००६ख नम्बरको एन्जल डिलक्समा २७ जना यात्रु रहेको पाइएको छ।
यस्तै, काठमाडौंबाट गौर जाँदै गरेको प्र३००१ख २४९५ नम्बरको गणपति डिलक्समा ४१ यात्रु रहेको खुलेको छ। यही बसका तीन जना हामफालेर बाँच्न सफल भएका हुन् ।
हालसम्म दुवै बसका गरी १४ जना यात्रुको शव फेला परेको जनाइएको छ। ती मध्ये ८ जनाको पहिचान खुलेको छ भने ६ जनाको सनाखत हुन बाँकी छ।
शुक्रबार सिमलतालमा पहिरोले बगाउँदा त्रिशूलीमा हराइरहेका दुवै बस अझै फेला पर्न सकेका छन्। बस तथा बेपत्ता यात्रुहरूको सुरक्षाकर्मीले खोजी जारी राखेका छन्।
यस्तो छ यात्रुहरूको विवरण
