काठमाडौँ । सरकारले सङ्क्रामकको सूचीमा परेका ५२ रोगको सूची राजपत्रमा प्रकाशन गरेको छ ।
जनस्वास्थ्य सेवा ऐन–२०७५ को दफा ४९ को उपदफा १ का आधारमा सङ्क्रामक रोगको सूची तयार पारिएको हो ।
रेबिज, क्षयरोग, कोभिड–१९, डेङ्गु, जापनिज इन्सेफ्लाइटिस, हैजा, धनुष्टङ्कार, एचआइभी एड्स, इन्फ्न्लुएन्जा, जुनोटिक र सिजनल, स्क्रब टाइफस, म्यादेज्वरो, कालाजार, रोटा भाइरस, हाडे, टोक्सोप्लाज्मोसिस, ट्रकोमा, इबोला भाइरसलाई सङ्क्रामक रोगमा सूचीकृत गरिएको छ ।
यस्तै, हात्तीपाइले, साल्मोनेलोसिस, क्रिमियन काङ्गो हेमोरेजिक, मारबर्ग भाइरल डिजिज, सार्स, कमलपित्त ए, एमइआरएस, प्लेग, लिजियोनेलोसिस, इचिनोकोकोसिस, भ्यागुते रोगलाई पनि सङ्क्रामकको सूचीमा राखिएको छ ।
सरकारले निमोकोकल निमोनिया, कमलपित्त बी, औलो ज्वरो, एच इन्फ्लुएन्जा, ब्रिसेलोसिस, कुष्ठरोग, लहरेखोकी, कमलपित्त सी, निपाह भाइरस इन्फेक्सन एमपक्स, बिफर, येल्लो फिभर, कमलपित्त ई, सिटिस्टसकोसिस, चिकनगुनिया, जिका, क्यु फिभर, लासा फिभर र रिफ्ट भ्याली फिभरलाई सङ्क्रामक रोग भनेको छ ।
सरकारका अनुसा स्थानीय स्वास्थ्य संस्थामा ५२ मध्ये कुनै पनि रोग पत्ता लागेमा त्यसको जानकारी केन्द्र र प्रदेश सरकारलाई रिपोर्ट गर्नुपर्ने हुन्छ ।
