चौतारा । प्रगतिशील लेखक सङ्घ सिन्धुलीको तेस्रो जिल्ला सम्मेलन सम्पन्न भएको छ ।
टङ्कध्वज थापाको अध्यक्षतामा नौ सदस्यीय नयाँ कार्यसमिति चयन गर्दै २०८१ वैशाख २९ शनिबारका दिन सम्मेलन सम्पन्न भएको हो ।
समितिको उपाध्यक्षमा धनमाया राई, सचिवमा बाबुराम श्रेष्ठ, कोषाध्यक्षमा केशवकुमार फुयाल, सहसचिवमा रूपक जमरा चयन हुनुभएको छ । सदस्यहरूमा दिल पौडेल र गोपी थापामगर रहनुभएको उक्त समितिमा दुई सदस्य कार्यसमितिले मनोनित गर्ने अख्तियारी प्रदान गरिएको छ ।
सिन्धुलीको कमलामाई पार्टी प्यालेसको सभाहलमा भएको सो कार्यक्रममा प्रलेस केन्द्रीय कोषाध्यक्ष तथा बागमती प्रदेश इन्चार्ज प्राज्ञ बाबा बस्नेतको प्रमुख आतिथ्य रहेको थियो ।
सम्मेलनमा सहइन्चार्ज डा. कृष्ण सुवेदी, बागमती प्रदेश अध्यक्ष डा. हरि सिलवाल, प्रदेश समितिका वैरागी जेठालगायतको उपस्थिति रहेको थियो ।
सो अवसरमा जिल्लाका प्रगतिशील श्रष्टाद्वय केशवकुमार फुयाल र गोपी थापामगरलाई खादा, अबिर र प्रमाणपत्रका साथ सम्मान गरिएको थियो ।
