बागलुङबजार । प्रगतिशील पत्रकार सङ्घ नेपालका केन्द्रीय सचिव ताराप्रसाद शर्मा कालिका पत्रकारिता पुरस्कारबाट पुरस्कुत हुनुभएको छ ।
कालिका भगवती मन्दिर व्यवस्थापन समितिले प्रत्येक वर्ष प्रदान गर्दै आएको सो पुरस्कारबाट यस वर्ष सङ्घका सचिव शर्मालाई पुरस्कृत गरिएको हो ।
उहाँलाई नगद पाँच हजारसहित दोसल्ला र सम्मानपत्रले सम्मान गरिएको थियो ।
२०८१ वैशाख ४ गते मङ्गलबार कालिका गुठी व्यवस्थापन समितिले सञ्चालन गरेको चैत्राष्टमी मेलाको उद्घाटन समारोहका अवसरमा नेपाल उद्योग वाणिज्य महासङ्घका अध्यक्ष तथा आइएमई ग्रुपका अध्यक्ष चन्द्रप्रसाद ढकाल र गुठी व्यवस्थापन समितिका अध्यक्ष कुमार खड्काको हातबाट सचिव शर्मालाई पुरस्कार प्रदान गरिएको थियो ।
बागलुङको बरेङ गाउँपालिका वडा नम्बर ५ सुखौरा निवासी शर्मा लामो समयदेखि पत्रकारितामा सक्रिय रहँदै आउनुभएको छ ।
नेपाल पत्रकार महासङ्घ गण्डकी प्रदेशको सदस्यसमेत रहनुभएको शर्मा धौलागिरी एफएमको सम्पादकका साथै धौलागिरी टेलिभिजनमा पनि कार्यरत हुनुहुन्छ ।
शर्मासँगै उक्त पुरस्कारबाट धौलागिरी जागरण दैनिकका सहसम्पादक सृजना पन्त पनि पुरस्कृत हुनुभएको छ ।
सो अवसरमा काष्ठकलामार्फत कालिका मन्दिरको प्रचारमा योगदान पु¥याएको भन्दै कलाकारहरू ठाकुरजङ्ग राजभण्डारी, प्रकाश नेपाली र भीमबहादुर विश्वकर्मालाई पनि पुरस्कृत गरिएको थियो ।
