काठमाडौँ । अखिल नेपाल प्रगतिशील लेखक सङ्घ (अन्पा) ले ‘कचहरी’ कथासङ्ग्रहबारे परिचर्चा कार्यक्रम सम्पन्न गरेको छ ।
केन्द्रीय सदस्य प्रकाश थापामगर मुख्य वक्ता रहनुभएको उक्त कार्यक्रम २०८० चैत ३ गते शनिबार साँझ भर्चुअल माध्यमबाट सम्पन्न भएको हो ।
कार्यक्रममा कथासङ्ग्रहमाथि परिचर्चा गर्दै वक्ता थापामगरले पन्ध्रओटै कथाको बेग्लाबेग्लै चर्चा गर्नुभएको थियो ।
सो क्रममा उहाँले कथाको संरचना र सिद्धान्त, परिचर्चाका लागि प्रस्तुत कथासङ्ग्रहका सबल पक्ष, कमजोरी र कथाकारका लागि सुझावसमेत प्रस्तुत गर्नुभएको थियो ।
परिचर्चाको क्रममा वक्ता थापामगरले अन्पाका केन्द्रीय सदस्यसमेत रहनुभएका कल्पना पौडेल ‘जिज्ञासु’ को उत्तरोत्तर प्रगतिको कामना पनि गर्नुभएको थियो ।
कार्यक्रममा कथाको बारेमा कथाकार कल्पनाले सङ्क्षिप्तमा आफ्ना भनाइ राख्नुभएको थियो ।
अन्पाका अध्यक्ष समीर सिंहको अध्यक्षता तथा महासचिव भीष्म जोशीको सञ्चालनमा अघि बढेको उक्त कार्यक्रममा केन्द्रीय सदस्य राम गैरे पाल्पालीले स्वागत मन्तव्य राख्नुभएको थियो ।
कार्यक्रममा निमबहादुर थापा र हितेष पौडेलले पूरक भनाइ राख्नुभएको थियो ।
