शंकरप्रसाद पोख्रेल, बुटवल (रुपन्देही) ।
देवदह मेडिकल कलेज एण्ड रिसर्च ईन्स्टिच्युट प्रालि भलुही देवदह ९, रुपन्देहीले आज बुटवलको कान्ति माविमा निशुल्क स्वास्थ्य शिविर सम्पन्न गरेको छ।
शिविरमा एक हजार जनाको विभिन्न रोगहरूको जाँच गरिएयको देवदह मेडिकल कलेजका प्रमुख प्रशासकीय अधिकृत खडक जिरेलले जानकारी दिए ।
जनरल मेडिसिन ,मुटु, नाक कान घाँटी, जनरल सर्जरी सेवा, छाला कपाल तथा यौन रोग सम्बन्धी, हाडजोर्नी तथा नशा, फिजियोथेरापी, दन्त रोग,आँखा जाँच, महिलाको पाठेघरको जाँच, बालरोग, प्रसुती सेवा लगायत अन्य रोगहरूको जाँच गरिएको थियो भने धेरै रोग देखिएकालाई देवदह मेडिकल कलेजमा पुनः बोलाइएको थियो ।
बुटवल उपमहानगर पालिका मेयर खेलराज पाण्डेले उद्घाटन गरेको कार्यक्रममा स्वागत कान्ति माविका प्रधानअध्यापक गोविन्द ज्ञवली र संचालन कार्यक्रम संयोजक हिरालाल धामीले गरेका थिए ।
स्वास्थ शिविरमा सगरमाथा लुम्बिनी इन्स्योरेन्स,कान्ति मावि, बुटवल उद्योग वाणिज्य संघ, नेपाल अर्बुद रोग निवारण संस्था बुटवल उपमहानगरपालिका वडा नं ४ ले सहयोग गरेका थिए ।
कायक्रममा मेडिकल कलेजका अध्यक्ष गोपाल बहादुर पोख्रेलले ‘देवदह मेडिकल जाऔं स्वास्थ्य परीक्षण गाराऔं’ भन्ने मूल उदेश्यका साथ ग्रामिण इलाकादेखि सहरका विभिन्न स्थानहरूमा देवदह मेडिकल कलेजले शिविर नै चलाएर निशुल्क स्वास्थ्य परीक्षण गरिरहेको बताए ।
