तौलिहवा । अव्यवस्थित सुकुम्बासीको फाराम प्रमाणीकरणमा ढिलाइ भएपछि राष्ट्रिय जनमोर्चा कपिलवस्तुले नगरपालिकाको ध्यानाकर्षण गराएको छ ।
२०८० फागुन १६ गते बुधबार राजमो शिवराज नगरपालिका समितिले नगरपालिका कार्यालय चन्द्रौटामा पुगी ध्यानाकर्षण गराएको हो ।
राजमो कपिलवस्तुका सचिव केरसिंह अदैको नेतृत्वमा गएको टोलीले निमित्त प्रमुख प्रशासकीय अधिकृत ताराचन्द चौधरीलाई भेटेर ध्यानाकर्षणपत्र बुझाएको थियो ।
शिवराज नगरपालिकामा लामो समयदेखि रहेका अव्यवस्थित सुकुम्बासीको फाराम प्रमाणीकरणमा ढिलाइ भएको तथा त्यसबाट नगरपालिका र आयोगप्रति टीकाटिप्पणी भइरहेकाले सो पालिकाभित्र रहेका भूमिहीन सुकुम्बासी, भूमिहीन दलित, अव्यवस्थित बसोबासीको जग्गा निर्धारण र प्रमाणीकरण गरी यथाशीघ्र जिल्ला भूमि आयोगमा पठाउन ध्यानाकर्षणपत्रमा अनुरोध गरिएको छ ।
राजमो पालिका समितिका अध्यक्ष केहरसिंह पुनमगरले नगरपालिका कार्यालयमा ध्यानाकर्षणपत्र पढेर सुनाउनुभएको थियो ।
जवाफमा निमित्त प्रमुख चौधरीले फाराम मालपोतमा गएको र नगरपालिकाले एक जना कर्मचारी पनि पठाएकाले अब छिट्टै काम हुने आश्वासन दिएका थिए ।
टोलीमा जिल्ला सचिव अदै, शिवराज नगर अध्यक्ष पुनमगरका साथै शिवराज नगर समितिका सचिव श्यामप्रकाश खनाल, नगर सदस्य श्याममोहन केवट, नगर समितिका सल्लाहकार दिलबहादुर विक, राजमो वडा नम्बर ३ का सदस्य रामप्रसाद कामी, सोही समितिका सदस्य मोहन विक, राजमो वडा नम्बर ४ का अध्यक्ष मोहन जिसी, राजमो वडा नम्बर ५ का वडाअध्यक्ष बेगम बुढा, राजमो जिल्ला सल्लाहकार चेतनाराय खनाल, राजमो नेता रामबहादुर चमारको प्रतिनिधित्व रहेको थियो ।
आजै राजमोको शिवराज नगर समितिको बैठ ले नगर पालिमा सुकुम्बासी अव्यवस्थितहरु काम गर्न सहजीकरण समितिमा राजमोको तर्फ देखि नगर सचिव श्याम प्रकाश खनाललाई पठाउने निर्णय गरेको छ ।
