तौलिहवा । कपिलवस्तुको शिवराज नगरपालिका–४ मा राष्ट्रिय जनमोर्चाको दोस्रो वडाभेला सम्पन्न भएको छ ।
राजमो जिल्ला सचिव केरसिंह अदैको प्रमुख आतिथ्यमा २०८० फागुन १५ गते मङ्गलबार उक्त भेला सम्पन्न भएको हो ।
भेलालाई सम्बोधन गर्दै सचिव अदैले नेपालको राष्ट्रियता, गणतन्त्र र धर्मनिरपेक्षताको रक्षा तथा सङ्घीयताको खारेजीलगायत विषयमा प्रकाश पार्नुभएको थियो ।
भेलालाई राजमो जिल्ला सदस्य रामबहादुर चमार, जातीय समता समाजका जिल्ला सदस्य मोहन विक र अखिल नेपाल महिला सङ्घ शिवराज नगर समितिकी अध्यक्ष बेलौता विकले पनि सम्बोधन गर्नुभएको थियो ।
भेलाले मोहन जिसी अध्यक्ष रहनुभएको नौ सदस्यीय राजमोको ४ नम्बर वडासमिति गरको छ ।
समितिको उपाध्यक्ष मानबहादुर बोहरा, सचिव शकुन्तला जिसी, कोषाध्यक्ष बेलौता विक तथा सदस्यहरूमा पदमबहादुर जिसी, सुरज कुँवर, राजकुमार सुनार, हुसेन मुल्ला र वसन्त सुनार चयन हुनुभएको छ ।
भेलाले सल्लाहकारमा शोभा जिसीलाई चयन गरेको छ ।
नवनिर्वाचित समितिलाई रक्तिम सांस्कृतिक अभियान कपिलवस्तुका अध्यक्ष बेगम बुढाले बधाइ दिनुभएको थियो ।
पदमबहादुर जिसीको अध्यक्षता तथा मोहन जिसीको सञ्चालनमा अघि बढेको उक्त भेलामा उपस्थित सहभागीलाई चेतनारायण खनालले स्वागत गर्नुभएको थियो ।
भेलापछिको बैठकले राजमो सदस्यता वितरण गर्ने, प्रत्येक दुई महिनामा बैठक बस्ने, सुकुम्बासीलाई सहयोग गर्नेलगायतका निर्णय गरेको जानकारी प्राप्त भएको छ ।
