सन्तोष सुनार, सन्धिखर्क ।
जातीय समाता समाज अर्घाखाँचीका सचिव रामबहादुर नेपालीका पिता कृष्णबहादुर नेपालीको निधन भएपछि उहाँको स्मृतिमा शोकसभा सम्पन्न भएको छ ।
मृतक नेपालीको निधन भएको एघारौँ दिन उहाँहरूकै घर भूमिकास्थान–६ बेलबोट डाडागाउँमा २०८० फागुन ११ गते शुक्रबार शोकसभा सम्पन्न भएको हो ।
मृतकको सम्मानमा एक मिनट मौनधारण गर्दै सुरु भएको उक्त कार्यक्रममा सोही वडाका वडाअध्यक्ष प्रकाश पौडेलले स्मृतिशेष नेपालीको जीवनीबारे प्रकाश पार्नुभएको थियो । त्यस क्रममा उहाँले स्मृतिशेष नेपाली र उहाँको परिवार राष्ट्रिय जनमोर्चाको सदस्य रहेको जानकारी गराइएको थियो ।
कार्यक्रममा राजमो अर्घाखाँचीका अध्यक्ष थम्मन केसीले पनि शोकमन्तव्य राख्नुभएको थियो ।
शोकसभामा राजमो केन्द्रीय सदस्य सागर केसी, राजमो लुम्बिनी प्रदेश समितिका सदस्य शेरबहादुर बिसी, अखिल नेपाल महिला सङ्घकी महासचिव सकुन्तला राना, राजमो जिल्ला उपाध्यक्ष गोपाल पौडेल, राजमो जिल्ला सदस्य पशुपति ढकाल, राजमो जिल्ला सल्लाहकार टेकबहादुर थापा, अखिल नेपाल शिक्षक सङ्घका जिल्ला सदस्य वामदेव आचार्य, अखिल नेपाल युवक सङ्घका जिल्ला सदस्य सन्तोष सुनार र सोही वडाका जनप्रतिनिधि सूर्य थापालगायतको उपस्थिति रहेको थियो ।
मृतकका जेठा छोरासमेत रहनुभएका रामबहादुर नेपालीको अध्यक्षता तथा राजमो नेता बुद्धि बन्जाडेको सञ्चालनमा उक्त कार्यक्रम सम्पन्न भएको थियो
स्मृतिशेष नेपालीको गत फागुन १ गते निधन भएको थियो । केही समयपहिला घरनजिकै लडेपछि उपचारका लागि भैरहवा लैजादै गर्दा नेपालीको निधन भएको हो ।
