निलगिरी (भारत) । अन्तर्राष्ट्रिय एक्यबद्धताको लागि नेपाली जनताको मन्चको आयोजनामा निलगिरीमा एक सय एकतिसौँ माओजयन्ती सम्पन्न गरेको छ ।
डिसेम्बर २०२३ का दिन उक्त कार्यक्रम सम्पन्न भएको हो ।
लालबहादुर थापाको अध्यक्षता र धनबहादुर सुन्दासको सञ्चालन रहेको उक्त कार्यक्रममा मूल प्रवाह अखिल भारत नेपाली एकता समाज दक्षिण भारत क्षेत्रीय सदस्य विरे थापा र प्रतिनिधि जगत् हमालले मन्तव्य राख्नुभएको थियो ।
कार्यक्रमलाई सम्बोधन गर्दै अतिथि हमालले माओ विचारधाराको विषयमा धारणा राख्नु भएको थियो । त्यसै गरी विरे थापाले माओको जीवनीबारे बोल्नुभएको थियो ।
कार्यक्रममा क्षेत्रीय महिला विभागबाट रूपा थापा, क्षेत्रीय जनजाति विभागबाट सुशील थापा, नगरबाट बसन्त परियार र महिला विभागबाट सीता नेपालीले पनि मन्तव्य राख्नुभएको थियो ।
सो अवसरमा सहिदको सम्झनामा एक मिनेट मौनधारणपछि माओत्सेतुङको तस्बिरमा माल्यार्पण गरी सम्मान गरिएको थियो ।
उपस्थित जनसमुदायलाई कलाकारले गीतद्वारा र टेकबहादुर विकले शब्दद्वारा स्वागत गर्नुभएको थियो ।
