दाङ । दाङको घोराहीमा राष्ट्रिय जनमोर्चाले राजनीतिक अभियान चलाउने भएको छ ।

राजमोको घोराही नगर समितिले गणतन्त्र, धर्मनिरपेक्षता र राष्ट्रियताको रक्षा तथा सङ्घीयताको खारेजीको लागि जनजागरण तथा घरदैलो अभियान चलाउने भएको हो ।

नगर अध्यक्ष मनिराम खनालका अनुसार यही मङ्सिर २० गते बुधबारदेखि सुरु भएको उक्त अभियान पुस १५ गतेसम्म चल्ने छ ।

‘अभियानको क्रममा जनताको घरदैलोमा पुग्ने, देशको यथार्थ राजनीतिक अवस्थाको बारेमा जनतालाई बुझाएर सचेतना प्रदान गर्ने काम भएको छ’ खनालले भन्नुभयो– ‘पार्टीले सञ्चालन गरेको ऐतिहासिक तीन अभियानसँग जोडेर यो अभियान सञ्चालन भइरहेको छ ।’