नयाँदिल्ल्ली । मूल प्रवाह अखिल भारत नेपाली एकता समाजबाट फुटपरस्त गतिविधि गरेकोमा निष्काशित तत्त्वहरूले भैलो सहयोग भन्दै आफ्नो सङ्गठनको सदस्यता भिराएका छन् ।
भारतको राजस्थान भिवाडीमा नोभेम्बर २४, २०२३ का दिन भैलो सहयोग भन्दै उनीहरूले अखिल भारत नेपाली एकता समाजको सदस्यता भिराएका हुन् ।
उनीहरूले सदस्यता प्रमाणपत्रको पछाडिपट्टि भैलो सहयोगबापत्को पाँच सय रुपियाँ उल्लेख गरेका छन् ।
उनीहरूले गरेको यस्तो भ्रामक कारबाहीको देवमाया बगालेले स्पष्टीकरण जारी गर्नुभएको छ ।
उहाँले आफू लामो समयदेखि मूल प्रवाहको भिवाडी नगर समितिमा रहेर क्रियाशील रहेको र अहिले पनि यही सङ्गठनमा रहेको उल्लेख गर्नुभएको छ । उहाँले उनीहरूको यस्तो कृत्यप्रति सावधान रहन आग्रह पनि गर्नुभएको छ ।
यस्तो छ, बगालेको स्पष्टीकरण
तिहारको अवसरमा देवबहादुर लामिछाने नेतृत्वमा रहेको एकता समाजका केन्द्रीय सचिव नारायण शर्मासहित केही व्यक्ति आर्थिक सङ्कलन गर्दै हिँडेका थिए । सोही दौरानमा आर्थिक रसिदको नाममा सदस्यता भिराउने निन्दनीय कार्य गर्दै आएको खुलेको छ ।
त्यस क्रममा उनीहरूले कतिपयलाई केन्द्रीय सदस्य, कतिपयलाई क्षेत्रीय अध्यक्ष, सचिव, सदस्य यावत् बनाइदिन्छु भन्दै पदको लालच दिने गरेको पनि बगालेले जानकारी दिनुभएको छ ।
यस्तो काम फुटपरस्टका कथित केन्द्रीय सदस्य बाबुराम बस्नेतले गरेको पनि उहाँले बताउनुभयो ।
उनीहरूले केही महिनापहिला हरियाणाको टोहनामा पनि एक जना नेपाली श्रमिकको घरमा एउटा बच्चाको जन्मदिन मनाउन जाँदा यस्तै कार्य गरेका थिए ।
त्यस्तै, हिसारका विभिन्न एरियामा पनि फुटपरस्त तत्त्वका केन्द्रीय सदस्य श्याम बहादुरले आफूलाई मूल प्रवाहको कार्यकर्ता बताउँदै भ्रम छरिरहेको जानकारी प्राप्त भएको छ ।
