काठमाडौं । इजरायलले गाजामा हरेक दिन दुई ट्रकसम्म इन्धन लान अनुमति दिने बताएको छ।

अमेरिकाको दबाबपछि इजरायलले उक्त निर्णय गरेको बीबीसीले जनाएको छ।

अमेरिकी विदेश मन्त्रालयका अधिकारीहरूले गाजामा हरेक दिन १ लाख ४० हजार लिटर इन्धन आपूर्ति गर्न अनुमति दिइने बताएका छन्।

उक्त इन्धन यही पुर्‍याउने ट्रक र संयुक्त राष्ट्र संघद्वारा सञ्चालित राहत कार्यमा प्रयोग गरिने बताइएको छ।

बाँकी इन्धन मोबाइल फोन र इन्टरनेट सेवामा प्रयोग गरिने छ। इन्धन अभावका कारण हाल यी सेवा ठप्प छन्।

प्यालेस्टिनी शरणार्थीका लागि काम गरिरहेको संयुक्त राष्ट्रसंघीय निकायले त्यहाँ आधारभूत मानवीय सहायता कार्यका लागि दैनिक १ लाख ६० हजार लिटर इन्धन आवश्यक पर्ने बताएको छ।