चेन्नई (भारत) । भारतको चेन्नईमा मूल प्रवाह अखिल भारत नेपाली एकता समाजका पूर्व, पश्चिम, उत्तर र दक्षिण नगर समितिको संयुक्त आयोजनामा २०८० सालको प्रगतिशील देउसीभैलो सम्पन्न भएको छ ।
क्षेत्रीय सदस्य तथा चारओटै नगर समितिका भैलो संयोजक काशिराम शर्माको प्रमुख आतिथ्य तथा उपाध्यक्ष कुलबहादुर थापाको विशिष्ट आतिथ्यमा नोभेम्बर १२, २०२३ का दिन उक्त कार्यक्रम सम्पन्न भएको हो ।
भैलोको उद्घाटन मैनबत्ती बालेर प्रमुख अतिथि काशिराम शर्माले गर्नुभएको थियो । साथै सो अवसरमा उहाँले मन्तव्य पनि राख्नुभएको थियो ।
त्यस्तै, कार्यक्रममा उपाध्यक्ष कुल बहादुर थापा, पश्चिममा नगर समितिका सदस्य चिन्तामणि आचार्य, खगेश्वर शर्मा, तिलक विक र ओमकान्त शर्मालगायतले शुभकामना दिनुभएको थियो ।
कार्यक्रममा केन्द्रीय कोषाध्यक्ष मदन शर्मा, केन्द्रीय सदस्य केशमान नेपाली, केन्द्रीय सदस्य तथा दक्षिण भारत क्षेत्रीय अध्यक्ष चन्द्रबहादुर थापा, क्षेत्रीय सदस्यहरू तेजेन्द्र थापा, गोपाल विक, उमानन्द चालिसे, नेत्रलाल शर्मा, खगराज आचार्य, चेन्नई पश्चिम महिला नगर विभागकी संयोजक चन्द्रिका पौडेल, महिला विभाग सदस्य गुमाकुमारी शाही, सम्झना नेपाली, रक्तिम सांस्कृतिक अभियानका संयोजक दिलबहादुर थापा र मूल प्रवाहका सदस्यचाम बहादुर घर्तीको आतिथ्य रहेको थियो ।
चेन्नई उत्तरका वरिष्ठ सदस्य मानबहादुर केसीको अध्यक्षता तथा चेन्नई पश्चिमका अध्यक्ष बुद्धिराम पौडेलको सञ्चालनमा सम्पन्न उक्त समारोहमा चेन्नै दक्षिण नगर समितिका कोषाध्यक्ष जीवन शर्माले शब्दबाट र रक्तिम कलाकारहरूले गीतबाट स्वागत गर्नुभएको थियो ।
कार्यक्रममा रक्तिमका कलाकारबाट भैलो गीत तथा विभिध सांस्कृतिक कार्यक्रम प्रस्तुत गर्नुभएको थियो ।
कार्यक्रमको अन्तमा चेन्नई उत्तर नगर सचिव तथा स्वयम्सेवक इन्चार्ज कोटिप्रसाद पोख्रेले धन्यवाद ज्ञापन गर्नुभएको थियो ।
