हैदराबवाद (भारत) । भारतको हैदरावादमा मूल प्रवाह अखिल भारत नेपाली एकता समाजको मध्यदक्षिण क्षेत्रीय समितिको आयोजनामा प्रगतिशील देउसीभैलो कार्यक्रम सम्पन्न भएको छ ।
महासचिव प्रेम पौडेलको प्रमुख आतिथ्यमा नोभेम्बर १२, २०२३ का दिन सो कार्यक्रम सम्पन्न भएको हो ।
कार्यक्रमलाई सम्बोधन गर्दै प्रमुख अतिथि पौडेलले देउसीभैलो कार्यक्रमलाई सफल बनाउन सहयोग गर्नुहुने सबैप्रति धन्यवाद ज्ञापन गर्नुभयो ।
कार्यक्रममा देउसीभैलोलाई सबैभन्दा धेरै आर्थिक सहयोग गर्नुहुने मूल प्रवाहका क्षेत्रीय सदस्य रनबहादुर पौडेलले एक लाख चार हजार पाँच सय रुपियाँ सहयोग गर्नुभएकोमा उहाँलगायत सहयोग गर्नुहुने सम्पूर्ण नेताकार्यकर्ता तथा शुभचिन्तकलाई केन्द्रीय समितिको तर्फबाट आभार व्यक्त गरिएको थियो ।
सो अवसरमा केन्द्रीय सदस्य भीमबहादुर थापा, फूलबिना पौडेल, कृष्णबहादुर थापा र क्षेत्रीय महिला विभागकीी संयोजक पुष्पा पौडेलले शुभकामना मन्तब्य राख्नुभएको थियो ।
कार्यक्रममा केन्द्रीय प्रतिनिधि के. रतन सिंह, क्षेत्रीय सांस्कृतिक विभागकी कृष्णकुमारी विक, क्षेत्रीय सदस्य गङ्गा कडायत, राजु दुलाल, हैदरावाद उत्तर नगर महिला विभागकी संयोजक बिजुला शर्मा र दक्षिण नगर महिला विभागकी संयोजक गुमा रानाको आतिथ्य रहेको थियो ।
रामप्रसाद पौडेलको अध्यक्षता तथा सूर्यबहादुर थापाको सञ्चालनमा अघि बढेको सो कार्यक्रममा घनश्याम शर्माले स्वागत मन्तब्य राख्नुभएको थियो ।
कार्यक्रममा रक्तिमका कलाकारहरूद्वारा विविध सांस्कृतिक कार्यक्रम प्रस्तुत गरिएको थियो ।
