खिमराज चालिसे, चन्डिगढ ।
मूल प्रवाह अखिल भारत नेपाली एकता समाज चन्डिगढ नगर समितिले नोभेम्बर १२, २०२३ आइतबारदेखि बेग्लाबेग्लै तीन स्थानमा प्रगतिशील देउसीभैलो कार्यक्रम सुरु गरेको छ ।
प्रवासी श्रमजीवी नेपालीको घरदैलोमा पुगी शुभकामना आदानप्रदान गर्दै नेकपा (मसाल) को ऐतिहासिक तीन अभियानलाई सहयोग गर्ने उद्देश्यका साथ सुरु भएको उक्त चार दिनसम्म जनताको बिचमा खेल्ने योजना रहेको बताइएको छ ।
मूल प्रवाह चन्डिगढका अनुसार पन्चकुला क्षेत्रमा सञ्चालन हुने ‘ए’ टिमको उद्घाटन नगर अध्यक्ष मानबहादुर केसीले गर्नुभएको थियो ।
कार्यक्रमलाई केन्द्रीय सदस्य तिलक पौडेल र केन्द्रीय सल्लाहकार प्रेम आचार्यले शुभकामना दिनुभएको थियो ।
कार्यक्रम पुरन थापाको अध्यक्षतामा तथा नरेन्द्र बलम्पाकीको सञ्चालनमा सम्पन्न भएको थियो ।
मोहाली र इन्डस्ट्रियल एरियामा सञ्चालन हुने ‘बी’ टिमको उद्घाटन केन्द्रीय सदस्य खिमराज चालिसेले ब्यानर खोलेर गर्नुभएको थियो ।
कार्यक्रममा केन्द्रीय सदस्य दिनेश खडका, सुदूर पश्चिमोत्तर क्षेत्रीय सदस्य जुना चालिसे, विद्यार्थी सङ्घका नगर सचिव सुरज चालिसे र महिला नगर सदस्य लक्ष्मी अधिकारीको आतिथ्य रहेको थियो ।
थानेश्वर पान्डेको सञ्चालनमा तथा विष्णु अर्यालको अध्यक्षतामा अघि बढेको सो कार्यक्रममा स्वागत सरस्वता भुसालले गर्नुभएको थियो ।
मध्यसिटी र सिटी एरियामा सञ्चालन हुने ‘सी’ टिमको उद्घाटन नगर समितिका वरिष्ठ सदस्य थमन थापाले गर्नुभएको थियो ।
कार्यक्रम अर्जुन विकको अध्यक्षता तथा तेजबहादुर रोकाको सञ्चालन तथा किसन खनालको स्वागत रहेको थियो ।
