काठमाडौँ । रक्तिम सांस्कृतिक अभियानकी केन्द्रीय सदस्य तथा प्रगतिवादी गायिका लक्ष्मी गुरुङको दोस्रो स्मृति कार्यक्रम सम्पन्न भएको छ ।
रक्तिम केन्द्रीय समितिको आयोजनामा २०८० कात्तिक २५ गते शनिबार साँझ भर्चुअल माध्यमबाट उक्त कार्यक्रम सम्पन्न भएको हो ।
अध्यक्ष गिरिप्रसाद बुढाको अध्यक्षता तथा महासचिव हेमराज आश्रमको सञ्चालनमा सुरु भएको उक्त कार्यक्रममा रक्तिमकै केन्द्रीय सल्लाहकार तथा राष्ट्रियसभा सांसद राजेश विश्वकर्माले स्मृतिशेष गुरुङको जीवनको बारेमा प्रकाश पार्नुभएको थियो ।
कार्यक्रममा नेकपा (मसाल) का प्रवक्ता रामप्रकाश पुरी र अन्तर्राष्ट्रिय नेपाली एकता समाजका अध्यक्ष शक्तमान बुढाथोकीले पार्टी र जनवर्गीय सङ्गठनको तर्फबाट तथा परिवारको तर्फबाट स्मृतिशेष गुरुङका छोरा रबिन गुरुङले मन्तव्य राख्नुभएको थियो ।
रक्तिमकै वरिष्ठ उपाध्यक्ष जीवन शाहीद्वारा मन्तव्य मार्फत र आयोजकको तर्फबाट गीतमार्फत् स्वागत तथा श्रद्धाञ्जली व्यक्त गरिएको थियो ।
कार्यक्रममा स्मृतिशेष गुरुङकी छोरा रबिन गुरुङ, रक्तिमका केन्द्रीय सल्लाहकारहरू मीना बुढाथोकी र थुमराज ढुङ्गाना, अखिल नेपाल महिला सङ्घकी अध्यक्ष मीना पुन, अखिल नेपाल ट्रेड युनियन महासङ्घ (अन्टुक) का अध्यक्ष लोकराज भुसाल, अखिल नेपाल शिक्षक सङ्घका अध्यक्ष सानोभाइ कार्की, तराई मधेस जनवादी मोर्चाका अध्यक्ष बद्रे आलम, अखिल नेपाल राष्ट्रिय उद्योग व्यापार सङ्घका अध्यक्ष ढुण्डिराज शर्मा, अखिल नेपाल कानुन व्यवसायी सङ्घका अध्यक्ष अधिवक्ता पदम रोका, अखिल नेपाल युवक सङ्घका अध्यक्ष कृष्णराज पाण्डे, अखिल नेपाल प्रगतिशील लेखक सङ्घ (अन्पा) का अध्यक्ष समीर सिंह, अखिल नेपाल जनजाति सम्मेलनकी महसचिव उषा पुन र वामपन्थी नेता सुरेश थापाको पनि आतिथ्य रहेको थियो ।
कार्यक्रममा हालसम्म स्मृतिशेष गुरुङको नाममा दुई लाख तीस हजारबराबरको अक्षयकोष निर्माण भइसकेको आयोजकले जानकारी गराएको थियो ।
स्मृतिशेष गुरुङप्रति श्रद्धाञ्जली दिँदै एक मिनट मौनधारणसहित अघि बढेको उक्त कार्यक्रममा दीप गोले, विशाल दर्लामी र समीर सिंहले श्रद्धाञ्जली कविता वाचन गर्नुभएको थियो ।
दीप गोलेको श्रद्धाञ्जली कविता
