लोकेन्द्र पौडेल, चेन्नै (भारत) ।
पर्सा जिल्लाको थोरी गाउँपालिका वडा नं. १ चौतारा निवासी हर्कबहादुर रोकामगरको निधन भएपछि भारतको चेन्नैमा दाहसंस्कार गरिएको छ ।
नोभेम्बर १०, २०२३ का दिन चेन्नैस्थित मुलाकोदलम मिन्टी घाटमा मूल प्रवाह अखिल भारत नेपाली एकता समाजका नेताहरूको उपस्थितिमा रोकामगरको दाहसंस्कार गरिएको हो ।
मूल प्रवाहका केन्द्रीय परिषद् सदस्य तथा चेन्नै उत्तर नगर समितिका अध्यक्ष गोपाल विकको सक्रियतामा दाहसंस्कारपूर्वका अन्य काम सम्पन्न गरेर निजको शव घाटमा ल्याइएको थियो ।
दाहसंस्कारस्थलमा मूल प्रवाहका कोषाध्यक्ष मदन शर्मा, क्षेत्रीय अध्यक्ष चन्द्रबहादुर थापा, क्षेत्रीय सचिवालय सदस्य काशिराम शर्मा, चेन्नै पश्चिम नगर समितिका सचिव किशोर शर्मा, चेन्नै पश्चिम नगर समितिकिा सदस्य प्रकाश नेपाली, मृतककी पत्नी तारा रोकामगर, मृतकका भिनाजु र मूल प्रवाहका सदस्य कृष्ण केसीलगायतको उपस्थिति रहेको थियो ।
३० वर्षीय मृतक रोकामगर जागिरका लागि आउँदै गर्दा अक्टोबर १३ का दिन चेन्नैको रेडहिल्स भन्ने स्थानमा आइपुग्दा चक्कर आएर लडेका थिए । घटनास्थलमै एक जना नेपाली भाइ राजु र पुलिस प्रसाशनको सहयोगमा उनलाई चेन्नैस्थित सरकारी अस्पतालमा भर्ना गरिएको थियो । सोही क्रममा नोभेम्बर ७ का दिन उनको निधन भएको थियो ।
