खिमराज चालिसे, चंडिगढ।
मूल प्रवाह अखिल भारत नेपाली एकता समाजको गौरवमय ४५ औँ स्थापना दिवशको कार्यक्रम चंडिगढ र हिसार नगरहरुले आ–आफना नगरमा भव्यरुपमा मनाएका छन्।

चंडिगढ
मूल प्रवाह चंडिगढ नगरसमितिको आयोजनामा ७ नोवेम्वरका दिन स्थापना दिवश मनाइएको हो । समारोहमा एकता समाजको गौरवमय इतिहास र प्रवासी नेपालीहरुको समसामयिक समस्या हरुमा एकता समाजले खेलेको भूमिका लगाएतका विषयहरुमा वक्तहरुले गहकिला विचार राख्नुभएको थियो ।

वक्ताहरुमा मूल प्रवाह केन्द्रीय सदस्य दिनेश खड्का, केन्द्रीय सदस्य तिलक पौडयाल, केन्द्रीय सदस्य एवम् नेपाली समाचारका संयोजक खिमराज चालिसे, केन्द्रीय सल्लाहकार प्रेम आचार्य, मूल प्रवाह सुदूरपश्चिमोत्तर क्षेत्रीय सदस्य जुना चालिसे, सदस्य तेजबहादुर रोका, परिषद सदस्य थमन थापा, महिला विभागकी कुमारी थापा, सांस्कृतिक विभागकी सरस्वता भुसाल, जनजाति विभागका प्रेम गुरुङ, समता विभाग पंचकुला एरियाका सुरेश आचार्य, इन्डस्ट्रियल एरियाका लक्ष्मी अधिकारी, सिटि एरियाका मधु सुवेदी लगाएत हुनुहुन्थ्यो।

ज्ञात अज्ञात शहिदहरु समेत जाजरकोट भूकम्पबाट निधन भएकाहरु प्रति दुई मिनट मौन धारण गर्दै श्रद्धाञ्जली दिइएको उक्त स्थापना दिवशको कार्यक्रम नगर अध्यक्ष मानबहादुर केसीको अध्यक्षता तथा सदस्य अर्जुन विकको सञ्चालनमा सम्पन्न भएको हो भने स्वागत पुरन थापाले गर्नुभएको थियो ।

हिसार
मूल प्रवाह अखिल भारत नेपाली एकता समाज हिसार नगर समितिको आयोजनामा मूल प्रवाहको ४५ औं स्थापना दिवशको कार्यक्रम सम्पन्न भएको छ।

सभालाई सम्बोधन गर्दै मूल प्रवाहका क्षेत्रीय सदस्य नन्दबहादुर तम्तरीले मूल प्रवाहको संगठनको ऐतिहासिक उपलब्धिहरूमाथि संक्षिप्त चर्चा गर्नु भएको थियो।

सभामा मूल प्रवाहका क्षेत्रीय सदस्य सुरेश क्षेत्री, महिला क्षेत्रीय सदस्य सीता पोख्रेल र कमला बगाले लगाएतका वक्ताहरुले सम्बोधन गर्नु भएको थियो।

कार्यक्रम सेती रानाको अध्यक्षतामा तथा दुर्गा ज्ञवलीको सञ्चालनमा सम्पन्न भएको थियो ।