बागलुङबजार । रक्तिम सांस्कृतिक अभियानको पाँचदिने प्रशिक्षण कार्यक्रम समापन भएको छ ।
२०८० कात्तिक १५ गते बुधबार महासचिव हेमराज आश्रमद्वारा उद्घाटन गर्दै सुरु भएको प्रशिक्षण कात्तिक १९ गते समापन भएको हो ।
रक्तिम बागलुङका अध्यक्ष सहबिन अर्गेजाको अध्यक्षतमा सम्पन्न समापन कार्यक्रमलाई राष्ट्रिय जनमोर्चाका केन्द्रीय सदस्य गौरिश्वर पाण्डेले सम्बोधन गर्नुभएको थियो ।
सो अवसरमा उहाँले प्रशिक्षण कार्यक्रममा सिकेका सिपलाई बागलुङका विभिन्न पालिकाका जनतमाझ गएर कार्यान्वयन गर्न/गराउन आग्रह गर्नुभयो ।
सो अवसरमा अखिल नेपाल जनजाति सम्मेलनका केन्द्रीय सदस्य तमबहादुर घर्ती, जातीय समता समाजका केन्द्रीय सदस्य नरबहादुर सुनार, अखिल (छैठौं) का केन्द्रीय सदस्य विमल खरेल, राजमो जिल्ला उपाध्यक्ष खिमबहादुर शाही, राजमो जिल्ला सदस्यहरू धनबहादुर अदै र थमन घर्ती, अखिल नेपाल महिला सङ्घकी जिल्ला सदस्य रुनमाया थापा, अखिल नेपाल युवक सङ्घ ढोरपाटनका अध्यक्ष रामबहादुर अर्गेजा, प्रशिक्षक विशाल बुढाथोकीसहित स्थानीय नेताहरूको सहभागिता रहेको थियो ।
कार्यक्रम कुलबहादुर छन्त्यालको सञ्चालनमा सम्पन्न भएको थियो ।
कलाकार टोली गठन
प्रशिक्षणलगत्तै रक्तिमका जिल्लास्तरीय कलाकार टोली गठन गरिएको थियो ।
टोलीमा ज्योती थापा, सुधा घर्ती, रञ्जना परियार, समीर भण्डारी, सुजना घर्ती, जानुका पुन, रबिना खत्री, केशव श्रीपाली, पुनम छन्त्याल, रेनु छन्त्याल, सुमन बुढा, विपसा मल्ल, आशा घर्ती, ममता सलामी, मुना भुजेल, पवन दर्लामी, दिपिका थापा, सन्देश थापा, खिमा भुजेल, रुनमाया सलामी, भावना दर्लामी, सीमा थापा, प्रियङ्का श्रीस, दिपा बुढाथोकी, देवेन्द्र पुन, प्रलाभ राना, सनिसा राना, निलिमा पुन, प्रेमकुमारी पुन, लिग सिँजाली र बेली सिँजाली रहनुभएको छ ।
मार्चपास र कोणसभा
कार्यक्रम समापनलगत्तै बुर्तिबाङबजारको स्वामिबोट, धौलागिरी चोक, बसपार्क, न्यूरोडचोक, जनमोर्चा चोक हुर्न मार्चपास गरिएको थियो । सो क्रममा विविध सांस्कृतिक कार्यक्रम र झाँकी प्रस्तुत गरिएको थियो ।
सो अवसरमा आयोजित कोणसभालाई राजमो केन्द्रीय सदस्य पाण्डे,समता समाजका केन्द्रीय सदस्यसुनार, राजमो जिल्ला उपाध्यक्ष शाही, जिल्ला सदस्य अदै र घर्तीले मन्तव्य राख्नुभएको थियो ।
प्रशिक्षणमा बागलुङका विभिन्न पालिकाकाबाट ७५ जनाभन्दा बढीको सहभागिता रहेको थियो । सो अवसरमा सैद्धान्तिक विषय, साहित्य, नृत्य, गायनलगायतका विषयमा प्रशिक्षण दिइएको थियो ।
