पोखरा । रक्तिम सांस्कृतिक अभियान कास्कीको जिल्ला भेला सम्पन्न भएको छ ।
महासचिव हेमराज आश्रमको प्रमुख आतिथ्यमा २०८० कात्तिक १७ गते हेम्जामा सो भेला सम्पन्न भएको हो ।
राष्ट्रिय जनमोर्चाका केन्द्रीय सदस्य तथा गण्डकी प्रदेश अध्यक्ष शङ्कर बरालको प्रमुख आतिथ्य रहेको उक्त भेलाको उद्घाटन प्रमुख अतिथि आश्रमले मैनबत्ती बालेर गर्नुभएको थियो ।
भेलामा राष्ट्रिय जनमोर्चाका वयोवृद्ध सदस्य शिव जुग्जालीलाई सम्मान गरिएको थियो ।
सो अवसरमा प्रमुख अतिथि, विशिष्ट अतिथिका साथै अखिल (छैठौं) का उपाध्यक्ष गणेश अधिकारी, अखिल नेपाल टे«ड युनियन महासङ्घ (अन्टुक) का केन्द्रीय सदस्य नामबहादुर बाठा, राष्ट्रिय लोकदोहोरी प्रतिष्ठानका झलक विरही, अखिल नेपाल युवक सङ्घका गण्डकी प्रदेश अध्यक्ष वीरेन्द्रबहादुर थापा, अखिल नेपाल किसान महासङ्घ (अप्फा) कास्कीका अध्यक्ष गङ्गबहादुर थापा र राजमो कास्कीका सचिव विष्णु पुरीले मन्तव्य राख्नुभएको थियो ।
कार्यक्रममा रक्तिम कास्कीका उपाध्यक्ष ऋता घर्तिमिरे र युवक सङ्घ जैमिनी नगर समितिका खगेन्द्र थापामगरको पनि आतिथ्य रहेको थियो ।
दानु सारूको सञ्चालन तथा टमबहादुर रोकाको अध्यक्षतामा अघि बढेको उक्त कार्यक्रममा रक्तिम परिवारको टोली र सज्जन घर्तिमिरेले स्वागत गर्नुभएको थियो ।
अध्यक्षमा दानु सारू
भेलाले दानु सारू अध्यक्ष रहनुभएको १३ पूर्ण र तीन सल्लाहकारसहितको रक्तिमको कास्की जिल्ला समिति गठन गरेको छ ।
समितिको उपाध्यक्षमा ऋता घर्तिमिरे, सचिवमा जमुना थापा र कोषाध्यक्षमा बिना ढुङ्गाना रहनुभएको छ ।
त्यस्तै सदस्यहरूमा अमृत सुनार, मुना शेरचन, दीर्घ घर्ती, प्रेम गायक, कलमाया घर्ती, सपना विक र साहिल थापा रहनुभएको छ भने सदस्यको दुई स्थान रिक्त राखिएको छ ।
भेलाले चन्द्रबहादुर रोका, कुशुम पुन थापा र गङ्गा नेपालीलाई सल्लाहकारमा चयन गरेको छ ।
कलाकार टोली पनि
भेलाले १५ सदस्यीय रक्तिमको कलाकार टोली गठन गरेको छ ।
टोलीको सदस्यमा झलक विरही, सज्जन घर्तिमिरे, स्नेहा खाती, राजु सुनार, कोपिला किसान, रूपा श्रीपाली, उमा पुन, सुमित थापा, समीक्षा शर्मा, कविता घर्ती, कविता घर्तीमगर, सूर्या थापा, श्याम मङ्गोल र विष्णु पुन रहनुभएको छ ।
