दाङ । दाङको घोराहीमा राष्ट्रिय जनमोर्चाले प्रगतिशील भैलो खेल्न तयारी भेला सम्पन्न गरेको छ ।
राजमोको घोराही नगर समितिको प्रगतिशील दैउसीभैलो कार्यक्रम सफल पार्नका लागि अगुवा कार्यक्रता भेला सम्पन्न गरेको हो ।
भेलाले हरि खरेलको संयोजकत्वमा मनिराम खनाल, खडानन्द खनाल, चुनचुन केसी, रामप्रसाद पोख्रेल, चन्द्रबहादुर रावत र तुल्सी पन्थी रहनुभएको भैलो परिचालन समिति चयन गरेको छ ।
त्यसैगरी, तुल्सी पन्थीको संयोजकत्वमा मनिराम खनाल, कृष्णा राना, डोरबहादुर केसी रहनुभएको सांस्कृतिक समिति चयन गरेको छ ।
एवम् प्रकारले, बलदेव विकको संयोजकत्वमा पोषण नेपाली, सूर्यलाल नेपाली, श्रीराम भट्टराई, दीपक केसी सदस्य रहनुभएको स्वयम्सेवक परिचालन समिति चयन गरेको छ ।
राजमो दाङका अध्यक्ष गणेश आचार्य र अखिल नेपाल युवक सङ्घका पूर्व अध्यक्ष कासिनाथ पोख्रेलको विशेष उपस्थिति रहेको सो भेलाको अध्यक्षता नगर अध्यक्ष मनिराम खनालले गर्नुभएको थियोे ।
भेलाको सहजीकरण नगर सचिव रामप्रसाद पोख्रेलले गर्नुभएको थियो ।
भेलाले आगामी कात्तिक २४ गते शुक्रबारदेखि प्रगतिशील भैलो खेल्ने निर्णय गरेको नगर अध्यक्ष खनालले जानकारी दिनुभएको छ ।
