बागलुङबजार । बागलुङको बुर्तिबाङमा रक्तिम सांस्कृतिक अभियानको पाँचदिने प्रशिक्षण कार्यक्रम सुरु भएको छ ।
महासचिव हेमराज आश्रमको प्रमुख आतिथ्यमा २०८० कात्तिक १५ देखि १९ गतेसम्मका लागि सो कार्यक्रम सुरु भएको हो ।
कार्यक्रमको उद्घाटन कात्तिक १५ गते बुधबार महासचिव आश्रमद्वारा ब्यानर पढेर गरिएको थियो ।
सहबिन अर्गेजाको अध्यक्षता तथा कुलबहादुर छन्त्यालको सञ्चालनमा अघि बढेको उक्त कार्यक्रममा विशिष्ट अतिथि राष्ट्रिय जनमोर्चाका केन्द्रीय सदस्य गौरिश्वर पाण्डे, राजमोका गण्डकी प्रदेश सदस्य खिमविक्रम शाही, नेकपा (मसाल) का बागलुङ जिल्ला प्रवक्ता मेकबहादुर पाइजा र अखिल नेपाल युवक सङ्घका जिल्ला अध्यक्ष वीरेन्द्र थापाले मन्तव्य राख्नुभएको थियो ।
कार्यक्रममा रक्तिमका केन्द्रीय सदस्य दिलिप परियार, अन्तर्राष्ट्रिय नेपाली एकता समाजका केन्द्रीय सदस्य खिम बुढा, अखिल नेपाल जनजाति सम्मेलनका केन्द्रीय सदस्य टमबहादुर घर्ती, सहिद परिवारको तर्फबाट सहराज छन्त्याल, रक्तिम ढोरपाटनका अध्यक्ष झकप्रसाद श्रेष्ठ, राजमो ढोरपाटनका अध्यक्ष दुर्गा केसी र सदस्य नारायण घर्ती, अखिल नेपाल किसान महासङ्घ (अप्फा) का जिल्ला सदस्य टीका पुन, महिला सङ्घ ढोरपाटनकी अध्यक्ष धनकुमारी कुँवर र रेडियो परिवर्तनका भूवन कँडेलको पनि आतिथ्य रहेको थियो ।
कार्यक्रममा उपस्थित सहभागीलाई रुनमाया थापाले स्वागत गर्नुभएको थियो ।
कार्यक्रममा विभिन्न पालिकाबाट पाँच दर्जनजति प्रशिक्षार्थीको सहभागिता रहेको जानकारी प्राप्त भएको छ ।
