मान्म । कालिकोटको टोल टोलमा राष्ट्रिय जनमोर्चा पुगेको छ । पार्टीले घोषणा गरेको ऐतिहासिक तीन अभियानअन्तर्गत राजमो टोल टोलमा पुगेको हो ।
राजमो कालिकोटका अनुसार तीन अभियानअन्तर्गत असोज १० देखि २५ गतेसम्म पहिलो चरणको पन्ध्र दिने सङ्गठनात्मक अभियान घोषणा गरिएको थियो ।
सो अभियानअन्तर्गत राजमोको सदस्यता वितरण, सदस्यता नवीकरण, भेला, बैठक, समिति गठन/पुनर्गठनलगायतका विभिन्न कार्यक्रम सम्पनन गरिएको छ ।
रास्कोट नगरपालिकाको वडा नं. १ देखि ९ सम्म वडा तहसम्म सञ्चालित सो अभियानको नेतृत्व राजमो केन्द्रीय सदस्य कमलविक्रम शाही, राजमो कर्णाली प्रदेशका अध्यक्ष पूर्णबहादुर शाही, राजमो जिल्ला सचिव देविदास सञ्ज्याल, अखिल नेपाल युवक सङ्घका केन्द्रीय सदस्य मेर्जन शाही, नगर अध्यक्ष पुष्पराज शाहीलगायतले गर्नुभएको थियो ।
अभियानको क्रममा वडा नं. १ मा हरिकृष्ण न्यौपाने अध्यक्ष रहनुभएको सात सदस्यीय वडासमिति गठन भएको थियो । समितिको सदस्यहरूमा शान्ति शाही, जन्म आचार्य, सङ्गिता आचार्य (बम), सिर्जना शाही, नवराज शाही र कुलबहादुर बम रहनुभएको छ ।
वडा नं. २ मा लक्ष्मिप्रसाद सिम्खडा र तारा सिम्खडा रहनुभएको दुई सदस्यीय समिति चयन गरिएको छ ।
वडा नं. ३ मा डिलराज गिरीको अध्यक्षतामा नामसरा जैसी, बृख कुमाल र हस्तनाथ योगी सदस्य रहनुभएको वडा समिति गठन गरिएको छ ।
वडा नं. ४ मा देउमले सार्की अध्यक्ष रहनुभएको पाँच सदस्यीय वडासमिति गठन भएको छ । समितिको सदस्यहरूमा नैने सार्की, मन्दिरे सार्की, आइत्मा सार्की र सरला शाही रहनुभएको छ ।
वडा नं. ५ मा रत्नबहादुर शाही अध्यक्ष रहनुभएको नौ सदस्यीय राजमोको वडासमिति चयन गरिएको छ । समितिको सदस्यहरूमा अमसरा शाही, सम्झना शाही, अमृता शाही, बिर्ख बुढा, अरविन्द गिरी, नरेन्द्र बम, बाटुली शाही र सत्या शाही रहनुभएको छ ।
वडा नं. ७ मा सुशील एकीकृतको संयोजकत्वमा एक सदस्यीय युनिट गठन गरिएको छ ।
एवम् प्रकारले वडा नम्बर ८ र ९ मा हरि धमलाको संयोजकत्वमा राजमोको संयुक्त वडासमिति गठन गरिएको छ । समितिको सदस्यहरूमा सूर्जकन्या बराल, असौजे सार्की र जैसिगे लुहार रहनुभएको छ ।
राजमोको नगर समिति गठन
अभियानको क्रममा पुष्पराज शाही अध्यक्ष रहनुभएको नौ सदस्यीय राजकोको रास्कोट नगर समिति गठन गरिएको छ ।
अखिल (छैठौं) को एकाइ समिति
त्यस्तै, मोतिराम माध्यमिक विद्यालय सिपखानामा खेमराज रिजाल अध्यक्ष रहनुभएको २५ सदस्यीय अखिल (छैठौं) को एकाइ समिति पनि गठन भएको छ ।
