चितवन । भरतपुरको क्यान्सर गेट नजिक ट्रकले ठक्कर दिँदा एक महिलाको मृत्यु भएको छ । भरतपुरबाट माडीतर्फ जाँदै गरेको ना७ख ४०९१ नम्बरको ट्रकले ठक्कर दिँदा भरतपुर महानगरपालिका–७ कृष्णपुर निवासी वर्ष ३५ की लक्ष्मी सुवेदीको ज्यान गएको हो ।

ट्रकको ठक्करबाट सुबेदिको मृत्यु भएसँगै भरतपुरको कृष्णपुर क्षेत्र तनावग्रस्त भएको छ । स्थानीयले ठक्कर दिने ट्रकका चालकमाथि कारवाही, मृतकको परिवारलाई उचित क्षतिपूर्तीको माग गर्दै प्रदर्शन गरेका छन् ।

घटनास्थलमा प्रहरीले सुरक्षा व्यवस्था कडा बनाएको छ भने भरतपुर गीतानगर सडक अवरुद्ध भएको छ । प्रहरीले दुर्घटनास्थलमै रहेको ट्रकको सुरक्षा दिइरहेको छ ।