खिमराज चालिसे, रोपड (भारत) ।
मूल प्रवाह अखिल भारत नेपाली एकता समाज रोपड नगर समितिले छविलाल सापकोटालाई बिदाइ गरेको छ ।
केन्द्रीय परिषद् सदस्य, सुदूर पश्चिमोत्तर क्षेत्रीय समितिका सदस्य तथा रोपड नगर समितिको संस्थापक सचिव सापकोटालाई अक्टोबर ६, २०२३ का दिन बिदाइ गरेको हो ।
नेता सापकोटालाई केन्द्रीय सचिव तथा क्षेत्रीय अध्यक्ष प्रेम सापकोटाले नगर समितिको तर्फबाट प्रशंसापत्र र स्मृतिचिह्न प्रदान गर्नुभएको थियो ।
सो अवसरमा मन्तव्य राख्दै सापकोटाले नेता छविलालले प्रवासमा खेलेको सक्रिय भूमिकालाई अझै सशक्त पार्दै देशभित्रको वर्गीय मुक्ति आन्दोलनमा अविचलित र सक्रिय रूपमा लाग्ने विश्वास व्यक्त गर्नुभयोे ।
कार्यक्रममा केन्द्रीय परिषद् सदस्य मदन थापा र बिलबहादुर गुरुङ, क्षेत्रीय सदस्य शिवलाल लामिछाने, महिला क्षेत्रीय संयोजक सीता सापकोटा, सदस्य मन्जु थापा, रक्तिम विभागकी रूपा कार्की र मूल प्रवाहका भक्तबहादुर थापालगायतले मन्तवय राख्नुभएको थियो ।
ओमप्रकाश सापकोटाको अध्यक्षता तथा दयाराम लामिछानेको सञ्चालनमा अघि बढेको उक्त कार्यक्रममा लालबहादुर थापाले स्वागत गर्नुभएको छ ।
नेता सापकोटा जनवरी १२, १९९० देखि मूल प्रवाहको सदस्यता लिएर क्षेत्रीय र केन्द्रीय समितिसम्मका विभिन्न जिम्मेवारी वहन गर्नुभएको थियो । रोपडस्थित थर्मल प्लान्टबाट सेवानिवृत्त हुनुभएका सापकोटा नवलपुर जिल्लाको गैँडाकोट नगरपालिका वडा नम्बर ५ निवासी हुनुहुन्छ ।
