रिसव आचार्य, तौलिहवा ।
कपिलवस्तुको वाणगङ्गामा रक्तिम सांस्कृतिक अभियानको वाणगङ्गा नगर भेला सम्पन्न भएको छ ।
२०८० असोज १७ गते बुधबार सम्पन्न भेलाले मुक्ति पाण्डेको अध्यक्षतामा ११ सदस्यीय नगर समिति गठन गरेको छ।
समितिको सचिवमा कल्पना भट्टराई, कोषाध्यक्षमा हिमकला गुरुङ तथा सदस्यहरूमा रेखा आचार्य, प्रियङ्का आचार्य, शुभम् पाण्डे, बिपिसा सापकोटा र कल्पना कुमाल रहनुभएको छ । समितिको तीन सदस्य हाललाई रिक्त राखिएको छ ।
भेलालाई रक्तिमका केन्द्रीय सदस्य मनबहादुर नेपालीले सम्बोधन गर्दै समाजमा पश्चिमी बुर्जुवा संस्कृति हाबी भएको हुँदा त्यसलाई चिर्न र नयाँ जनवादी संस्कृतिलाई जगेर्ना गर्नुपर्ने आवश्यकता रहेको बताउनुभयो ।
भेलालाई राजमो कपिलवस्तुका अध्यक्ष रामप्रसाद ९हरि० बेल्बासे, राजमो नगर कोषाध्यक्ष सिद्धि आचार्य, वडा कमिटी अध्यक्ष रामप्रसाद गैरेलगायतले शुभकामना मन्तव्य दिनुभएको थियो ।
भेला नगर सचिव कल्पना भट्टराईको विशेष पहलमा सम्पन्न भएको थियो ।
