माधव खनाल, अर्घाखाँची ।
अर्घाखाँची जिल्लाको भुमिकास्थान नगरपालिका वडा न १ आम्वोट चौतारा निवासी स्वर्गीय मित्रकला खनालप्रति राष्ट्रिय जनमोर्चाले श्रद्धाञ्जली अर्पण गरेको छ । राजमोकी सक्रीय सदस्य खनालको १३औं दिनको पुण्यतिथि पारी राजमो भुमिकास्थान नगरपालिका–१ वडा समितिले शनिबार उहाँकै निवासमा श्रद्धाञ्जली कार्यक्रम आयोजना गरेको हो ।

कार्यक्रममा श्रद्धाञ्जली मन्तव्य राख्दै राजमो जिल्ला सचिव बाबुराम पन्थीले स्वर्गीय खनालको निधनले राष्ट्रिय जनमोर्चालाई अपुरणीय क्षति पुगेको बताउनुभयो । स्वर्गीय खनालले पार्टीप्रति पुर्याएको योगदानको समेत उच्च सम्मान प्रकट गर्नुभएको थियो।

यस्तै श्रद्धाञ्जली कार्यक्रममा मन्तव्य राख्दै राष्ट्रिय जनमोर्चाका केन्द्रीय परिषद सदस्य खड्क बहादुर थापाले मित्रकला खनालको निधनले भुमिकास्थान नगरपालिकाले एउटा अभिभावक गुमाएको भन्दै खनालले देखाएको बाटोमा एकढिक्का भएर अगाडि बढ्न आम कार्यकर्तालाइ आग्रह समेत गर्नुभयो ।

कार्यक्रममा राजमो काठमाडौ जिल्ला अध्यक्ष झविन्द्र बेल्वासेले स्वर्गीय मित्रकला खनालले पार्टी प्रति पुर्याएको योगदानको सम्मान गर्दै अगाडि बढेमा मात्रै उहाँले देखेको लक्ष्य पूरा हुने बताउँदै शोकलाइ शक्तिमा बदल्न सकिने बताउनुभयो ।
श्रद्धाञ्जली कार्यक्रममा अखिल नेपाल शिक्षक संघ जिल्ला सदस्य हिमलाल खनाल स्वर्गीय मित्रकला खनालका छोरा गोपाल प्रसाद खनाल लगायतले मन्तव्य राख्नुभएको थियो ।

साथै स्वर्गीय मित्रकला खनालको सम्झनामा घरपरिवार द्वारा आम्बोट आधारभुत बिधालयमा अक्षय कोषसमेत स्थापना गरिएको छ । उक्त अक्षय कोषको ब्याजबाट हरेक वर्षको वार्षिक पुण्यतिथिमा विद्यालयमा अध्यनरत गरिब तथा जेहेन्दार बिद्यार्थीलाई छात्रवृती समेत बितरण गर्ने जनाइएको छ ।

श्रद्धाञ्जली कार्यक्रममा राष्ट्रिय जनमोर्चाका भुमिकास्थान नगर सल्लाहकार तथा भुमिकास्थान नगरपालिका वडा न २ का अध्यक्ष बुद्धि थापा, भुमिकास्थान नगर समिती सदस्य तथा वडा न १ अध्यक्ष भोजराज खनाल, नगर कार्यपालिका सदस्य शान्ता खनाल, वडा न १ कि सदस्य चमकला नेपाली, अखिल नेपाल शिक्षक संघ भुमिकास्थान नगर सचिव रामप्रसाद खनाल, शिवशक्ती आधारभूत विद्यालयका प्राधानध्यापक कृष्ण खनाल लगाएतको उपस्थिति रहेको थियो ।

स्वर्गीय मित्रकला खनालको यहि फागुन १९ गते ६९ वर्षको उमेरमा उपचारको क्रममा काठमाडौंमा निधन भएको थियो । खनालका तीन छोरा पाँच छोरी दुई बुहारी नातिनातिना र ज्वाइहरु हुनुहुन्छ । कार्यक्रम मित्रकला खनालका श्रीमान डासिराम खनलको अध्यक्षता र माधव खनालको सञ्चालनमा सम्पन्न भएको थियो ।