खिमराज चालिसे ।
मूल प्रवाह अखिल भारत नेपाली एकता समाजको अध्यक्ष ठाकुर खनालले बलिदानबाट प्राप्त गणतन्त्र र धर्मनिरपेक्षताको रक्षा गर्न आग्रह गर्नुभएको छ ।
भारत हरियाणा राज्यको हिसारमा सेप्टेम्बर १८, २०२३ सोमबारका दिन आयोजित बृहत तिजी कार्यक्रमलाई प्रमुख अतिथिको आसनबाट सम्बोधन गर्दै उहाँले यस्तो अभिव्यक्तिm दिनुभएको हो ।
उहाँले नेपाली जनताले सात दसक लामो बलिदानीपूर्ण सङ्घर्षले प्राप्त गरेको गणतन्त्र र धर्मनिरपेक्षता रक्षाको आवश्यकतामा जोड दिनभयो ।
“गणतन्त्र र राष्ट्रीयताको रक्षा गरौँ, सङ्घीयता तथा एमसिसी खारेज गरौँ” नाराका साथ भारतव्यापी तिजी कार्यक्रमबाट मूल प्रवाहले प्रवासबाटै देशको गणतन्त्र, राष्ट्रियता र धर्मनिरपेक्षताको आन्दोलनको पक्षमा बिगुल फुकिरहेकोसमेत बताउनुभयो ।
खनालले अहिले साम्राज्यवादी हस्तक्षेप बढिरहेको र धर्मनिरपेक्षता तथा गणतन्त्र गम्भीर खतरामा रहेको बताउनुभयो ।
कार्यक्रममा केन्द्रीय वैकल्पिक सदस्य तारा सोमरे, परिषद् सदस्य केहरसिंह घर्तीमगर, क्षेत्रीय सदस्यहरू सुरेश क्षेत्री, लालबहादुर चुदाली, बाबुराम पोख्रेल, ओमप्रकाश तिवारी, महिला क्षेत्रीय सदस्यहरू सेती राना, चन्द्रा सोमरे, नगर समितिका नन्दबहादुर लमतरी, अर्घाखाँची डटकमका पत्रकार डिल्लिराज घिमिरे, जनजाति विभागका मनबहादुर घर्तिमगर, रक्तिम विभागका योगेन्द्र दर्लामी, समता विभागका नारायण विक, विद्यार्थी सङ्घकी रक्षा सोमरेलगायतको आतिथ्य रहेको थियो ।
गत सेप्टेम्बर ६, २०२३ क दिन हिसार नगरले इन्डस्ट्रियल एरियाबाट उदघाटन गरी आज समापन गरिएको कार्यक्रम कमला बगालेको सञ्चालन तथा सीता पोख्रेलको अध्यक्षतामा सम्पन्न भएको हो भने स्वागत दुर्गा शर्माले गर्नुभएको थियो ।
