खिमराज चालिसे, चन्डिगढ ।
भारतको अम्बालामा एमाले समर्थित प्रवासी सङ्घ परित्याग गरी मूल प्रवाहमा प्रवेश गर्नुका साथै दर्जनौँलाई सदस्यता दिइएको छ ।
१९ सेप्टेम्बर २०२३ मगलबारका दिन अम्बालामा प्रवासी सङ्घ भारतका जिल्ला सदस्यसहित दर्जनौँले सदस्यता लिनुभएको हो ।
नवआगन्तुकलाई “गणतन्त्र र राष्ट्रियताको रक्षा गरौँ, सङ्घीयता र एमसिसी खारेज गरौँ” मूल नाराको साथ सम्पन्न अम्बालाको तिजी कार्यक्रमको मञ्चमा मूल प्रवाहका केन्द्रीय सदस्य तिलक पौड्यालले सदस्यता दिएर स्वागत गर्नुभएको थियो।
प्रवेश गर्नेहरूमा प्रवासी सङ्घ भारतको जिल्ला सदस्य कृष्ण ढकाल कञ्चन गाँउँपालिका वडा नम्बर २ रुपन्देही बेलबरिया स्थायी निबासी, त्यस्तै प्रवासी सङ्घ भारतको पूर्व जिल्ला कोषाध्यक्ष बिर्खबहादुर राई, हतुआगढी गाउँपालिका वडा नं. ७ भोजपुर स्थायी निवासी रहेका छन ।
त्यसैगरी मूल प्रवाहमा प्रवेश गर्नेरूमा काठमाडौँका जयदेव थापा, कपिलवस्तुका खिमबहादुर, गङ्गाबिसन शर्मा, प्युठानका गोपाल नेपाली, गुल्मीका कुलबहादुर लमतरी, प्युठानका किसन शर्मा, सागर भन्डारी, नुवाकोटका टेकबहादुर तामाङ, रोल्पाकी हुमादेवी, राजु थापा, गैँडाकोटका लीला गौतम र मोहन शर्मा दाङका कृष्णबहादुर पुन र रेशम गिरीलगाएत रहेका छन् ।
नवआगन्तुकहरूलाई बधाई एवम् शुभकामना दिनेहरूमा मूल प्रवाह सुदुर पश्चिमोत्तर क्षेत्रीय सदस्य जुना चालिसे र नगर अध्यक्ष कमल सुवेदी हुनुहुन्थ्यो ।
कार्यक्रम बाबुराम भुसालको सञ्चालनमा तथा शोभा रसाइलीको अध्यक्षतामा सम्पन्न भएको नगर अध्यक्ष कमल सुवेदीले बताउनुभएको छ।
