सुरत (भारत) । गुजरातको सुरतमा मूल प्रवाह अखिल भारत नेपाली एकता समाजको आयोजितामा तिजी कार्यक्रम सम्पन्न भएको छ ।
महासचिव प्रेम पौडेलको प्रमुख आतिथ्यमा सेप्टेम्बर १७, २०२३ आइतबारका दिन सो कार्यक्रम सम्पन्न भएको हो ।
सो अवसरमा क्षेत्रीय सदस्य निखिल रावत, रक्तिम सांस्कृतिक विभाग केन्द्रीय समितिका बोम सिँजापति, क्षेत्रीय कोषाध्यक्ष हरिकुमार गिरी, क्षेत्रीय सदस्य धु्रवराज न्यौपाने, क्षेत्रीय महिला विभाग सदस्य लक्ष्मी ताम्राकार, क्षेत्रीय सदस्य प्रकाश जनाला, क्षेत्रीय सल्लाहकार सदस्य नवीन शर्मासुरत नगर समितिका अध्यक्ष किशोर ताम्राकार, सचिन नगर समिति अध्यक्ष बिनबहादुर रेग्मी, सचिन नगर महिला विभाग संयोजक इन्द्रा सोनीलगायतको आतिथ्यता थियो ।
कार्यक्रममा केन्द्रीय सचिव तथा क्षेत्रीय अध्यक्ष बेदबहादुर कार्की र केन्द्रीय सदस्य गोविन्द थापाले मन्तव्य राख्नुभएको थियो ।
कार्यक्रमको अध्यक्षता सुरत नगर महिला विभागकी संयोजक शान्ति तिरुवाले, सञ्चालन क्षेत्रीय सदस्य सबिना कुँवरले र स्वागत निकिता तिरुवा र रक्तिमका कलाकारले गर्नुभएको थियो ।
