खिमराज चालिसे ।
भारतको हिसारमा मूल प्रवाह अखिल भारत नेपाली एकता समाजका तीनओटा एरियाको संयुक्त भेला सम्पन्न भएको छ ।

केन्द्रीय उपाध्यक्ष कपिल खनालको प्रमुख आतिथ्यमा सेप्टेम्बर १०, २०२३ का उक्त भेला सम्पन्न भएको हो ।

भेलाको उद्घाटन प्रमुख अतिथि खनालले करतल ध्वनिमामाझ मैनबत्ती बालेर गर्नुभएको थियो ।

सो अवसरमा उद्घाटन मन्तव्य राख्दै उहाँले मूल प्रवाहले भारतस्थित नेपालीको समसामयिक समस्या र स्वदेशको प्रजातान्त्रिक आन्दोलनमा महत्त्वपूर्ण भुमिका खेलेको बताउनुभएको थियो ।

कार्यक्रम ओमप्रकाश तिवारीको अध्यक्षतामा तथा विष्णु गौतमको सञ्चालनमा सम्पन्न सो भेलामा मनबहादुर घर्तिमगर र रक्तिम कलाकारले स्वागत गर्नुभएको थियो ।