प्युठान । राष्ट्रिय जनमोर्चाले फागुन महिनाभर देशव्यापी रुपमा सञ्चालन गरेको संगठनात्मक अभियानको अन्तिम चरणमा थप तिव्रता पाएको छ । प्युठानमा विभिन्न पार्टी परित्याग गरी राजमोमा प्रवेश गर्ने लहर नै चलेको छ ।
अभियानको शिलशिलामा प्युठानको झिमरुक गाउँपालिका वाड नम्बर ७ मा गत स्थानीय निर्वाचनमा राप्रपाका तर्फबाट झिमरुक गाउँपालिका अध्यक्ष पदका उम्मेदवार नारायण बहादुर जिसी र नेपाल कम्युनिस्ट पार्टी (नेकपा) का स्थानीय नेता गोविन्द बहादुर जिसीको नेतृत्वमा नेपाल कम्युनिस्ट पार्टी (नेकपा) समर्थक २ दर्जनभन्दा बढी नेता, कार्यकर्ता र समर्थक राजमोमा प्रवेश गरेका छन्।
सोहि अवसरमा नारायण बहादुर जिसीको अध्यक्षतामा बोहोरागाँउ टोल समितिको गठन समेत गरिएको छ । जसको उपाध्यक्षमा हिमलाल रोका, सचिवमा गोविन्द बहादुर जिसी, कोषाध्यक्षमा गिता जिसी र सदस्यहरू बसन्ता जिसी (क), बसन्ता जिसी (ख), सीता परियार, विष्णा केसी तथा सल्लाहकारमा देबु गिरी, राजेन्द्र जिसी र बाटुला जिसी रहनु भएको छ।
संगठनको आवश्यकता,सिद्धान्त,राजनीति बारे राजमो संगठन अभियानका खड्क बहादुर महतारा र नेकपा(मसाल) का रुपन्देही जिल्ला प्रवक्ता नारायण जिसीले प्रशिक्षण दिनु भएको थियो ।
यो पनिः
प्युठानमा सदस्यता अभियान पछि संगठन निर्माण सुरु
प्युठानका नौवटै तहमा संगठन निर्माण जारी, एकै पालिकामा ४ हजार सदस्यता वितरण
नेता शर्माको आग्रहः देश बलियो बनाउन राजमोलाई साथ दिनुहोस्
प्युठानमा राजमोले तय गर्यो संगठन विस्तारको खाका
