सुर्खेत । राष्ट्रिय जनमोर्चा, कर्णाली प्रदेश समितिले मुख्यमन्त्री राजकुमार शर्मालाई ध्यानाकर्षण पत्र बुझाएको छ ।
प्रदेशको समग्र विकास निर्माण, कृषि, रोजगारी, पर्यटन, शिक्षा, स्वास्थ्य लगायतका विषयलाई समेटेर राजमोले मंगलबार मुख्यमन्त्रीको ध्यानाकर्षण गराएको हो ।
राजमो प्रदेश अध्यक्ष पूर्णबहादुर शाहीको नेतृत्वमा गएको टोलीमा केन्द्रीय सदस्य कमल विक्रम शाही, प्रदेश सचिव विष्णुप्रसाद शर्मा, सदस्य अजय बहादुर गिरी, सुर्खेत जिल्ला अध्यक्ष गोविन्दप्रसाद सुवेदी, कालिकोट जिल्ला अध्यक्ष कृष्णबहादुर शाही, सचिव देवीदास सञ्ज्याल, जिल्ला सदस्य कटकबहादुर शाही र वीरेन्द्रनगर हिरालाल सुनार लगायत नेताहरु सहभागी हुनुहुन्थ्यो ।
सो ध्यानाकर्षण पत्रमा कर्णालीबासीको जीवनस्तर सुधार्न राजमोले विभिन्न विषयमा सुझाव दिएको छ । प्रदेशका विभिन्न सडक आयोजनाको स्तरोन्नती, खानेपानी, शिक्षा, स्वास्थ्य, पर्यटन विकास जस्ता विषय ध्यानाकर्षण पत्रमा समेटिएको छ ।
त्यस्तै, माथिल्लो कर्णाली परियोजनालाई जिएमआरसँग गरिएको सम्झौता खारेजी गरी कर्णालीबासी र समग्र देशकै हित हुने गरी नेपाली लगानीमा निर्माण गर्न माग गरिएको छ।
ध्यानाकर्षण पत्र ग्रहण गर्दै मुख्यमन्त्री शर्माले राष्ट्रिय जनमोर्चाका सुझावलाई आफूले गम्भीरतापूर्वका लिएको उल्लेख गर्दै कार्यान्वयन गर्ने प्रतिवद्धता जनाउनुभएको राजमोले जनाएको छ ।
यस्तो छ राजमोले बुझाएको पत्र
