पोखरा । कास्ककिो मध्यपोखरामा राष्ट्रिय जनमोर्चाको भेला सम्पन्न भएको छ ।
राजमो गण्डकी प्रदेश समितिका अध्यक्ष शङ्कर बरालको प्रमुख आतिथ्यमा सो भेला सम्पन्न भएको हो ।
भेलामा प्रमुख अतिथिको आसनबाट मन्तव्य राख्दै उहाँले देशको समसामायिक राजनीतिक परिस्थिति र पार्टीको तीन ऐतिहासिक अभियानको बारेमा प्रकाश पार्नुभएको थियो ।
उहाँले राष्ट्रिय जनमोर्चाले लिएको नीतिको बारेमा संक्षिप्तमा जानकारी गराउनुभएको थियो ।
भेलालार्ई अखिल नेपाल राष्ट्रिय उद्योग व्यापार सङ्घका महासचिव ढाकाराम पौडेल, अखिल (छैठौं) कास्कीका अध्यक्ष सोमनाथ अधिकारी, रक्तिम सांस्कृतिक अभियानका केन्द्रीय सदस्य दानबहादुर सारूमगर, अखिल नेपाल महिला सङ्घकी जिल्ला सदस्य गङ्गा गायक र अखिल नेपाल प्रगतिशील लेखक सङ्घ (अन्पा) का गण्डकी प्रदेश सचिव प्रेम गायकले शुभकामना दिनुभएको थियो ।
भेलाले गणेश अधिकारी अध्यक्ष रहनुभएको ११ सदस्यीय नगर समिति निर्माण गरेको छ ।
समितिको उपाध्यक्ष देवेन्द्र पौडेल, सचिवमा विष्णु विक, सहसचिवमा राजेन्द्र सुवेदी र कोषाध्यक्षमा गङ्गा गायक रहनुभएको छ ।
त्यस्तै, सदस्यहरूमा प्रेम गायक, पशुपति शर्मा, दिननाथ पौडेल, राजेश कार्की, टेकबहादुर थापा र दानबहादुर सारूमगर रहनुभएको छ ।
कार्यक्रमको सञ्चालन रविमोहन ढकालले र अध्यक्षता गणेश अधिकारीले गर्नुभएको थियो ।
