काठमाडौँ । अखिल नेपाल प्रगतिशील लेखक सङ्घ (अन्पा) को गण्डकी प्रदेश समिति गठन भएको छ ।
२०८० भदौ १ गते शुक्रबार भर्चुअल माध्यमबाट सम्पन्न भेलाले सो समिति गठन गरेको हो ।
कार्यक्रममा केन्द्रीय अध्यक्ष समीर सिंह, उपाध्यक्ष रामदेव पाण्डे र राष्ट्रिय जनमोर्चाका पूर्व केन्द्रीय सचिव कृष्ण अधिकारीको उपस्थिति रहेको थियो ।
अन्पाका केन्द्रीय सचिवालय सदस्य प्रकाश थापामगरले संयोजन गर्नुभएको उक्त कार्यक्रमले धनप्रसाद पुन (बागलुङ) अध्यक्ष रहनुभएको दुई रिक्तसहितको ११ सदस्यीय प्रदेश समिति गठन गरेको छ ।
समितिको सचिवमा प्रेम गायक (कास्की) र कोषाध्यक्षमा सम्झना थापा (स्याङजा) चयन हुनुभएको छ ।
त्यसैगरी, सदस्यहरूमा ताराप्रसाद शर्मा (बागलुङ), मदनमुरारी घिमिरे (कास्की), टीकासङ्गम विक (बागलुङ), हीरामणि शर्मा (पर्वत), दुर्गा थापा (बागलुङ) र यम मल्ल (बागलुङ) रहनुभएको छ ।
कार्यक्रममा अध्यक्ष समीर सिंह, उपाध्यक्ष रामदेव पाण्डे र नवनिर्वाचित प्रदेश अध्यक्ष धनप्रसाद पुनले संक्षिप्त मन्तव्य राख्नुभएको थियो ।
