जगदीश ढकाल, नेपालगञ्ज ।
अखिल नेपाल प्रगतिशील लेखक सङ्घ (अन्पा) का केन्द्रीय सदस्य कल्पना पौडेल जिज्ञासुको कथासङ्ग्रह “कचहरी” विमोचन भएको छ ।
कल्पना फाउन्डेसन नेपालको आयोजनामा २०८० साउन २७ गते शनिबार उक्त कृति विमोचन भएको हो ।
लुम्बिनी प्रदेश विश्वविद्यालय आयोगका सदस्य प्राडा कृष्णप्रसाद घिमिरेको प्रमुख आतिथ्यमा सम्पन्न सो कार्यक्रममा वरिष्ठ कथाकार तथा कार्यक्रमका विशिष्ट अतिथि सनत रेग्मीलाई साहित्यतर्फ “मनिकर्णा–टीकाराम स्मृति पुरस्कार” द्वारा सम्मानित गरिएको थियो ।
त्यस्तै, समाज सेवातर्फ “देउकला–टीकानिधि स्मृति पुरस्कार” द्वारा मानवसेवा आश्रम नेपालगन्जलाई सम्मान गरिएको थियो ।
चरित्रा शाहको परिचयात्क मन्तव्यबाट अघि बढेको कार्यक्रमका अतिथि वक्ताहरू प्रमुख अतिथि घिमिरे, विशिष्ट अतिथि प्राज्ञ शशिराम कार्की, किरण आचार्य, खगेन्द्र गिरी कोपिला, पङ्कज श्रेष्ठ, मणि अर्याल, डा इन्द्रबहादुर भण्डारी, हरि तिमिल्सिना, उर्विन सापकोटा र सनत रेग्मी रहनुभएको थियो ।
हिमालय टाइम्सका वरिष्ठ पत्रकार पुरुषोत्तम दाहालको समेत उपस्थित रहेको उक्त कार्यक्रममा स्वागत मन्तव्य ऋषिराम सापकोटाले गर्नुभएको थियो भने कार्यक्रमको सञ्चालान संस्थाका सचिव लेकप्रसाद प्याकुरेलले गर्नुभएको थियो ।
फाउन्डेसनकी अध्यक्ष कल्पना पौडेलकै अध्यक्षतामै सम्पन्न सो कार्यक्रममा उहाँले आफ्नो कृतिको बारेमा संक्षिप्त जानकारी गराउँदै सम्मानित व्यक्ति तथा संस्थालाई बधाई दिनुभएको थियो ।
