जयपुर (भारत) । मूल प्रवाह अखिल भारत नेपाली एकता समाजले हराएकी अस्मिता पौडेललाई परिवारसमक्ष बुझाएको छ ।
बारा जिल्ला कोल्हवी नगरपालिका निवासी निजकी पति अर्जुन पौडेलको निवेदनमा खोजबिन गरी मूल प्रवाहको जयपुर नगर समितिले अगस्त ९, २०२३ का दिन परिवारलाई सुम्पिएको हो ।
हराएकी अस्मितालाई बुझ्न पति अर्जुन र निजका परिवारजन जयपुर आएका थिए ।
निज महिलाका पति अर्जुनले २०८० साउन १९ गतेदेखि हराएको भन्दै अस्मिताको खोजी गरिदिन काठमाडौँको बौद्धमा नेपाल प्रहरीसमक्ष निवेदन दिएका थिए । प्रहरीले छानबिन गर्दा निज महिला सोही दिन काठमाडौँदेखि राजस्थानको जयपुर जाने बसमा बसेको थाहा लागेको थियो ।
तत्पश्चात अर्जुनले सो प्रहरी निवेदनको प्रतिलिपिसहित जयपुरमा मूल प्रवाहमा निवेदन दिनुभएको थियो । तुरुन्तै मूल प्रवाह एकता समाजले खोजतलास गर्दा उनी फेला परेकी थिइन् । त्यसपछि मूल प्रवाहले निजका पति र आफन्तजनलाई खोजेर बुझाएको थियो ।
