काठमाडौँ । अखिल नेपाल प्रगतिशील लेखक सङ्घ (अन्पा) ले भर्चुअल कवितालेखन कार्यक्रम सम्पन्न भएको छ ।

वरिष्ठ प्रगतिवादी साहित्यकार प्राडा देवी नेपाल प्रशिक्षक रहनुभएको उक्त कार्यक्रम २०८० साउन २१ गते आइतबार सम्पन्न भएको हो ।

प्रशिक्षणमा प्राडा नेपालले कवितासित सम्बन्धित विभिन्न पक्षबारे चर्चा गर्नुभएको थियो ।

त्यस्तै उहाँले कविताको बद्ध छन्द र मुक्त छन्दको बारेमा संक्षिप्तमा पनि छलफल चलाउनुभएको थियो ।

प्रशिक्षणको क्रममा उहाँले सहभागीहरूसित अन्तरक्रियासमेत गर्नुभएको थियो ।

अध्यक्ष समीर सिंहको अध्यक्षतामा अघि बढेको सो कार्यक्रमको सञ्चालन महासचिव भीष्म जोशीले गर्नुभएको थियो ।

उपाध्यक्ष रामदेव पाण्डेले कार्यक्रमको बारेमा संक्षिप्तमा जानकारी दिँदै स्वागत मन्तव्य राख्नुभएको थियो ।

कार्यक्रममा देशविदेशबाट सयको हाराहारीमा सहभागिता थियो ।