चिदम्बरम (भारत) ।
दक्षिण भारतको चिदम्बरममा मूल प्रवाह अखिल भारत नेपाली एकता समाजको तेह्रौँ टाउन एरिया सम्मेलन सम्पन्नन भएको छ ।
केन्द्रीय सदस्य भगवती कुँवरको प्रमुख आतिथ्यमा अगस्त ५, २०२३ का दिन सो सम्मेलन सम्पन्न भएको हो ।
सम्मेलनमा मन्तव्य राख्दै प्रमुख अतिथि कुँवरले मूल प्रवाह भारतस्थित प्रवासी नेपालीहरूको पाठशाला भएको बताउनुभयो ।
‘यो पाठशालाबाट प्राप्त गरेको व्यावहारिक ज्ञान, सङ्घर्षशील शिक्षा र परिवर्नकारी उद्देश्यबाटै नै सामाजिक र व्यक्तिगत चुनौतीको सामना गर्न सकेका छौँ’ उहाँले भन्नुभयो ।
देशको राजनैतिक परिवर्तनमा सहभागी हुँदै मूल प्रवाहका सदस्यहरू सांसदसम्म बनेको बताउँदै नेतृ कुँवरले देशमा गणतन्त्र, राष्ट्रियताको रक्षा र सङ्घीयताको खारेजी आन्दोलनमा मूल प्रवाहको महŒवपूर्ण उपस्थित रहेको विचार व्यक्त गर्नुभयो।
सम्मेलनलाई मूल प्रवाहका क्षेत्रीय सदस्य डिल्लिप्रसाद शर्मा, हेम बिजी र जीवराज पराजुलीले शुभकामना दिनुभएको थियो ।
सम्मेलनले पदमबहादुर केसी अध्यक्ष रहनुभएको सात पूर्ण र दुई वैकल्पिकसहित नौ सदस्यीय एरिया समिति चयन गरेको छ ।
समितिको उपाध्यक्षमा मोहराज शर्मा, सचिवमा देवेन्द्र आचार्य, सहसचिवमा चन्द्रबहादुर केसी, कोषाध्यक्षमा मेघराज शर्मा र सदस्यहरू प्रेमबहादुर केसी, कौशिला केसी तथा वैकल्पिक सदस्यहरूमा गोविन्दप्रसाद शर्मा र नेत्रप्रसाद गौतम रहनुभएको छ ।
मोहराज शर्माको उदघोषण तथा चन्द्रबहादुर केसीको अध्यक्षता अगाडि बढेको सम्मेलनमा उपस्थित जनसमुदायलाई देवेन्द्र आचार्यले स्वागत गर्नुभएको थियो ।
