धनवीर पुनमगर ।
भारत महाराष्ट्रको तारापुरमा मूल प्रवाह अखिल भारत नेपाली एकता समाज नगर महिला विभागको आयोजनामा प्रशिक्षण कार्यक्रम सम्पन्न भएको छ
राष्ट्रिय जनमोर्चाकी केन्द्रीय सदस्य तारा जिसीको प्रमुख अतिथि रहनुभएको उक्त कार्यक्रम अगस्त ३, २०२३ बिहीबारका दिन सम्पन्न भएको हो ।
कार्यक्रममा बोल्दै प्रमुख अतिथि जिसीले भारत प्रवासमा नेपाली महिलाहरू विभिन्न समस्यामा पर्ने गरेको बताउनुभयो ।
उहाँले नेपाली महिलाहरू दिनप्रतिदिन समस्या बढ्दै गएकोमा यस्ता समस्या समाधान गर्न सम्पूर्ण महिला दिदीबहिनीहरू एकता समाजमा आबद्ध हुन सुझाव दिनुभयो ।
सो अवसरमा मूल प्रवाहका केन्द्रीय सदस्य गोविन्दबहादुर थापा, अर्का केन्द्रीय सदस्य टङ्क कुँवर, रक्तिम विभाग केन्द्रीय सदस्य बोम सिंजापती, मूल प्रवाह मध्यपश्चिम भारत क्षेत्रीय सदस्य लेखनाथ पाण्डे र तारापुर नगर अध्यक्ष खड्क राईले पनि आतिथ्य ग्रहण गर्नुभएको थियो ।
तारापुर नगर महिला विभागको आयोजना सम्पन्न प्रशिक्षण कार्यक्रमको अध्यक्षता मध्यपश्चिम भारत क्षेत्रीय महिला विभाग संयोजक रेनुका कुँवरले गर्नुभएको थियो ।
कार्यक्रमको सञ्चालन तारापुर नगर समितिका सचिव कपिलदेव पाण्डेले गर्नुभएको थियो ।
