दाङ । अखिल नेपाल ट्रेड युनियन महासङ्घ अन्टुक घोराही उपमहानगर समितिको भेला सम्पन्न भएको छ ।
२०८० साउन १३ गते शनिबार सो भेला सम्पन्न भएको हो ।
नगर अध्यक्ष भीमकान्त पन्थीको अध्यक्षता र सहसचिव राजेन्द्र भण्डारीको सञ्चालनमा सम्पन्न उक्त भेलामा राष्ट्रिय जनमोर्चाका जिल्ला अध्यक्ष गणेश आचार्यले प्रशिक्षणात्मक मन्तव्य राख्नुभएको थियोे ।
भेलालाई अन्टुकका जिल्ला सचिव तुल्सी पन्थी, राजमो जिल्ला सदस्य चन्द्रबहादुर नेपाली, अखिल नेपाल किसान महासङ्घ (अप्फा) का जिल्ला सचिव तथा राजमो नगर अध्यक्ष मनिराम खनाल, जातीय समता समाज जिल्ला सहसचिवप पोषण नेपाली, अखिल नेपाल महिला सङ्घ नगर सदस्य सुशीला सार्कीलगायतले शुभकामना दिनुभएको थियोे ।
भेलाले बुद्ध राम्जालीको अध्यक्षतामा नौ पूर्ण, दुई वैकल्पिक र तीन सल्लाहकारसहित १४ जनाको नगर समिति गठन गरेको छ ।
समितिको उपाध्यक्षमा राजेन्द्र भण्डारी, सचिवमा बालाराम अधिकारी, सहसचिवमा नरबहादुर मिजार, कोषाध्यक्षमा नारायण पन्थी तथा सदस्यहरूमा हरि घर्ती, पूर्ण नेपाली र आम्मी नेपाली रहनुभएको छ ।
वैकल्पिक सदस्यमा विष्णुप्रसाद पन्थी र सुशीला सार्की रहनुभएको उक्त समितिको सल्लाहकारमा तुल्सिराम पन्थी, भीमकान्त पन्थी र पोषण नेपाली रहनुभएको छ ।
