रवि पौडेल, पान्डिचेरी (भारत) ।
मूल प्रवाह अखिल भारत नेपाली एकता समाजले एरिया समितिका दुई कार्यकर्तालाई बिदाइ गरेको छ ।
पान्डिचेरी नगर समितिअन्तर्गत मुदलियरपेट एरिया समितिले समिति सदस्य गङ्गाराम आचार्य र उहाँकी पत्नी सीता आचार्यलाई जुलाई ९, २०२३ का दिन आयोजित एक समारोहमाझ बिदाइ गरेको हो ।
सो अवसरमा मन्तव्य राख्दै उहाँले सङ्गठनमा दिएको योगदानको उच्च कदर गर्दै वक्ताहरूले उहाँले सङ्गठनमा पुर्याएको योगदानको चर्चा गर्नुभएको थियो ।
कार्यक्रममा मूल प्रवाह क्षेत्रीय तथा महिला विभाग साथै नगर सदस्य विष्णु शर्मा, मूल प्रवाह नगर सदस्य तथा महिला इन्चार्ज जमुना शर्मा, मूल प्रवाह नगर सदस्य भद्रबहादुर जिसीको आतिथ्य रहेको थियो ।
रवि पौडेलको अध्यक्षता रहेको उक्त कार्यक्रमको सञ्चालन एरिया सचिव विनोद गायकले गर्नुभएको थियो ।
सहिदको सम्मानमा एक मिनेट मौनधारणपछि रेखा गायकले उपस्थित जनमानसलाई स्वागत गर्नुभएको थियो ।
कार्यक्रममा मूल प्रवाह नगर सदस्य भद्रबहादुर जिसी, मूल प्रवाह नगर सदस्य तथा महिला विभाग इन्चार्ज जमुना शर्मा, क्षेत्रीय सदस्य तथा नगर सदस्य विष्णु शर्मा, सरस्वती गायक, सम्झना गायक, शीतल गायक, माया गायक, लक्ष्मी गायक र राजु गायकलगायतले मन्तव्य राख्नुभएको थियो ।
गङ्गाराम आचार्यले गत ३७ वर्षदेखि पान्डिचेरीस्थित एग्रिकल्चर डिपार्टमेन्टमा काम गर्दै आउनुभएको थियो । अहिले उहाँ नोकरीबाट रिटायर्मेट भई स्वदेश जाँदै हुनुहुन्छ । पान्डिचेरीमा मूल प्रवाहको स्थापना कालदेखि नै विभिन्न समितिमा रहेर आफ्नो साङ्गठनिक जिम्मेवारी पूरा गर्नुभएको थियो । मूल प्रवाहका टोल समिति एरिया हुँदै नगर समितिको उपाध्यक्ष र कार्यवाहक अध्यक्षको रूपमा काम गर्नुभएको थियो ।
